Aqmola oblysynyń «Úzdik memlekettik qyzmetshisi» anyqtaldy

KÓKShETAÝ. QazAqparat - Aqmola oblysynyń «Úzdik memlekettik qyzmetshi – 2021» oblystyq baıqaýynyń qorytyndysy jarııalandy, dep habarlaıdy QazAqparat tilshisi.

Baıqaý sharty boıynsha qatysýshylar memlekettik qyzmettegi óz jumysy, otbasy, qyzyǵýshylyqtary, ómirlik qundylyqtary men kásibı qasıetteri týraly beıneprezentatsııa daıyndady. Sondaı-aq, qatysýshylar túrli shyǵarmashylyq janrlarda ózderin kórsete bilgen shyǵarmashylyq baıqaýda baq synasty. Baıqaýdyń taǵy bir sharty esse jazý boldy.

Kókshetaý qalasynyń jumyspen qamtý jáne áleýmettik baǵdarlamalar bóliminiń uıymdastyrý – baqylaý sektorynyń bas mamany Aıtolqyn Bolatqyzy «Úzdik memlekettik qyzmetshi - 2021» baıqaýynyń jeńimpazy bolyp tanyldy.

«Úzdik prezentatsııa» atalymynda Atbasar aýdany ákimi apparatynyń aqparattyq qamtamasyz etý jáne memlekettik qyzmet kórsetý bóliminiń bas mamany Gúldan Baıkenova, «Ónerli órge júzer» nomınatsııasynda Jarqaıyń aýdanynyń mádenıet jáne tilderdi damytý bóliminiń bas mamany Nazıra Shpanova, «Táýelsizdik - men úshin» taqyrybyndaǵy úzdik esse» atalymynda Aqkól aýdandyq qurylys bóliminiń bas mamany Aıjan Nókerbekova marapattaldy.

Bul is-shara memlekettik qyzmetshilerdiń ımıdjin kóterýde erekshe mańyzǵa ıe, neǵurlym bastamashyl jáne talantty memlekettik qyzmetshilerdi anyqtaýǵa jáne kótermeleýge yqpal etedi.