Aqmola oblysynyń tutynýshylaryna jylý úshin alynǵan 5 mln teńge qaıtarylady
NUR-SULTAN. QazAqparat - QR UEM Tabıǵı monopolııalardy retteý komıtetiniń Aqmola oblysy boıynsha departamenti jylý berý boıynsha kórsetiletin qyzmetterdiń qunyn qaıta esepteýge taldaý júrgizdi, dep habarlaıdy QazAqparat atalǵan vedomstvonyń baspasóz qyzmetine silteme jasap.
«Tabıǵı monopolııalar týraly zańnamaǵa (26-babynyń 2-tarmaǵynyń 11) tarmaqshasy) jáne Qazaqstan Respýblıkasy Ulttyq ekonomıka mınıstriniń 2019 jylǵy 19 qarashadaǵy № 90 buıryǵymen bekitilgen tarıfterdi qalyptastyrý qaǵıdalaryna (10-taraýynyń 1-paragrafy) sáıkes, QR UEM Tabıǵı monopolııalardy retteý komıtetiniń Aqmola oblysy boıynsha departamenti esepteý aspaptary joq tutynýshylar úshin syrtqy aýanyń naqty temperatýrasyn eskere otyryp, jylýmen jabdyqtaý boıynsha kórsetiletin qyzmetterdiń qunyn qaıta esepteýge taldaý júrgizdi» delingen habarlamada.
Qaıta esepteý 10 tabıǵı monopolııa sýbektileri boıynsha belgilengen.
Aqmola oblysy boıynsha TMRKD-y tutynýshylardyń quqyqtaryn qorǵaý maqsatynda, qaıta esepteýdi júrgizý týraly talappen sýbektilerdiń atyna hattar joldady.
Máselen, Aqmola oblysy boıynsha 2020/2021 jyldardyń ótken jylytý kezeńinde 10 sýbekt boıynsha jalpy somasy 5 880 500 teńgege (QQS-men) jylý energııasy úshin tólem qaıta esepteletin bolady, onyń ishinde:
- «Kókshetaý Jylý» ShJQ MKK-y boıynsha – 290 560 teńge (QQS esebimen);
- «Stepnogorsk Energosbyt» JShS-y boıynsha - 511 659 teńge (QQS-men);
- «Kommýnservıs» ShJQ MKK-y boıynsha - 710 440 teńge (QQS-men);
- «Temirjolsý-Kókshetaý» JShS-y boıynsha - 25 577 teńge (QQS-men);
- «Kotelnaıa ASI» JShS-y boıynsha - 20 620 teńge (QQS-men);
- «Jastar Atbasar» JShS-y boıynsha - 93 850 teńge (QQS-men);
- «Esil gorkomhoz» ShJQ MKK-y boıynsha - 2 912 380 teńge (QQS-men);
- «Komhoz» ShJQ MKK-y boıynsha - 524 793 teńge (QQS-men);
- «Aqkól-gorkomhoz» ShJQ MKK-y boıynsha - 787 600 teńge (QQS-men);
- «Býrabaı tazalyq» ShJQ MKK-y boıynsha - 3 017 teńge (QQS-men).
Osylaısha, joǵaryda kórsetilgen sýbektilerdiń tutynýshylaryna qaıta esepteý 2021/2022 jyldardaǵy jylý berý kezeńiniń basyna aldyn ala tólem túrinde derbes shottarǵa esepteý nemese rettelip kórsetiletin jylýmen jabdyqtaý qyzmetine esepteýdi azaıtý jolymen júrgizetin bolady.
Bul rette, 2020/2021 jyldardyń jylytý kezeńi úshin qaıta esepteý somasynyń 2019/2020 jyldardyń jylytý kezeńi úshin qaıta esepteýden tómendeýi, osy jylytý kezeńinde syrtqy aýa temperatýrasynyń tómendeýine, sondaı-aq jylý energııasyn esepke alý aspaptaryn ornatatyn tutynýshylardyń ulǵaıýyna baılanysty ekenin atap kórsetý qajet.
