Aqmola oblysynyń turǵynynan quramynda altyn bar 16 kg ken tárkilendi
KÓKShETAÝ. QazAqparat – Aqmola oblysynyń 45 jastaǵy turǵynynan quramynda altyn bar 16 kg ken tárkilendi, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, Stepnogor qalalyq PB-ne «Qazaqaltyn» AQ qaýipsizdik bóliminiń qyzmetkerleri habarlasyp, «Aqsý – 2» kareriniń qorǵalatyn aýmaǵynda zańsyz altyn izdeýshi ustalǵanyn aıtqan.
«Shaqyrý ornyna barǵan jedel-tergeý toby qyzmetkerleri ustalǵan adamnyń Zavodskoı kentiniń 45 jastaǵy turǵynyn ekenin anyqtady. Zańsyz altyn izdeýshiden quramynda altyny bar 16 kılogramm ken tárkilendi. Bul derek Qylmystyq kodekstiń 269-1 babynyń 1 bóligi boıynsha «qorǵalatyn obektige zańsyz kirý» sotqa deıingi tergep-tekserýlerdiń biryńǵaı tizilimine tirkeldi. Іs materıaly saraptamaǵa joldandy, sonyń qorytyndysy boıynsha protsessaýaldyq sheshim qabyldanady», - dedi vedomstvodan.
Aıta ketsek, Aqmola oblysyndaǵy shahtada zańsyz altyn izdeýshiniń ólimi tirkeldi.
