Aqmola oblysynyń turǵynynan 4 kelige jýyq geroın tárkilendi
ASTANA. QazAqparat - Astana qalasy ІІD Esirtki bıznesimen kúres basqarmasynyń qyzmetkerleri 14 aqpanda júrgizilgen jedel izdestirý sharalary barysynda elorda aýmaǵynda esirtki zattaryn jetkizýmen, satýmen aınalysqan uıymdasqan qylmystyq topty ustady.
ІІD EBB bastyǵy Talǵat Seıilhanovtyń aıtýynsha, Aqkólde izdeý sharalaryn júrgizgen kezde buryn zańsyz esirtki satqany úshin sottalǵan 1975 jylǵy «R» esimdi Aqmola oblysynyń turǵyny ustaldy. Odan 3 keli 835 gram «geroın» tárkilendi.
Osy ýaqytta Astana qalasynyń qyzmetkerleri onyń eki sybaılasyn ustady.
Júrgizilgen arnaıy operatsııa barysynda zańsyz aınalymnan 12 000 bir rettik doza tárkilendi. Onyń «qara naryqtaǵy» baǵasy 47 mln teńge turady.
Astana q. ІІD aqparatyna súıensek, ustalǵandarǵa qatysty QR QK 218-baby, 262-baby, 296-baby 4-bóligi, 297-baby 4-bóligi boıynsha qylmystyq is qozǵaldy.
Qazirgi ýaqytta ustalǵandar Astana qalasy ІІD ÝUI qamaldy, tergeý amaldary júrip jatyr.
