Aqmola oblysynyń turǵynynan 18 detonator tárkilendi
Oblystyq Polıtsııa departamenti baspasóz qyzmetiniń málimetinshe, «Qarý» jedel-aldyn alý sharasy kezinde aqmolalyq polıtseıler Jolymbet kentiniń 38 jastaǵy turǵynynan 18 elektr detonatoryn tárkilegen.
«Sarapshynyń qorytyndysyna sáıkes, elektr detonatorlary zarıad týdyrýǵa arnalǵan jáne jarý quraly bolyp tabylady. Osyǵan baılanysty Qylmystyq kodekstiń 287 babynyń 3-bóligi «jarylǵysh zattardy zańsyz saqtaý» boıynsha sotqa deıingi is júrgizý bastaldy. Qazirgi ýaqytta zattaı dáleldemeler tárkilendi», - dep atap ótti vedomstvodan.
Eske sala keteıik, Aqmola oblysynda 17 mamyr men 16 maýsym aralyǵynda «Qarý» respýblıkalyq jedel-aldyn alý is-sharasy ótkizilýde. Polıtsııa qyzmetkerleri jeke qarýy bar azamattardy turǵylyqty jeri boıynsha, sondaı-aq qyzmettik qarýy bar kúzet fırmalaryn qarýdy saqtaý sharttarynyń, qarýdy tirkeý (qaıta tirkeý) merziminiń saqtalýy turǵysynan tekseredi.