Aqmola oblysynyń turǵyny janjal kezinde aǵasyna pyshaq suǵyp aldy
KÓKShETAÝ. QazAqparat - Aqmola oblysynyń turǵyny týǵan aǵasyna pyshaq suǵyp aldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, bıylǵy jyldyń 15 jeltoqsanynda Atbasar aýdandyq PB kezekshi bólimine aýdandyq aýrýhananyń qyzmetkeri habarlasyp, qabyldaý bólimine oń jaqta kókirek qýysynda pyshaq jaraqaty bar, mas kúıinde 41 jastaǵy er adamnyń túskenin aıtqan.
«Anyqtalǵandaı, er adamǵa týǵan aǵasy pyshaq salǵan. Jábirlenýshin anasy jáne inisimen birge turady. Er adam jumystan úıine kelgende sheshesi men inisi «aşy sý» iship otyrǵan. Olarǵa jábirlenýshi de qosylady. Keıin sózge kelip qalǵan aǵasy inisine judyryq ala júgiredi, al inisi bolsa pyshaq suǵyp alady. Er adamdar buryn sottalmaǵan. Kúdikti qylmysyn moıyndady. Zattaı dáıekter alyndy», - deıdi vedomstvodan.
Qazirgi kezde, kúdiktige qatysty Qylmystyq kodekstiń 106- baby1 bóligi «Densaýlyqqa qasaqana aýyr zııan keltirý» boıynsha is qozǵalyp, sotqa deıingi tergeý amaldary júrgizilýde.
