Aqmola oblysynyń turǵyny WhatsApp arqyly qarjy pıramıdasyn qurǵan
KÓKShETAÝ. QazAqparat - WhatsApp arqyly qarjy pıramıdasyn qurǵan Aqmola oblysynyń 48 jastaǵy turǵyny ustaldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetiniń silteme jasap.
Vedomstvonyń málimetinshe, alaıaq áıel týraly polıtsııaǵa 65 jastaǵy jábirlenýshi habarlasyp aıtqan. Alaıaq onyń 63 myń teńgesin jymqyrǵan. Keıinirek polıtseıler 20-dan astam adam alaıaqtan qurban bolǵanyn, al jalpy keltirilgen shyǵyn somasy 70 mıllıon teńgeni quraǵanyn anyqtady.
«Jedel izdestirý sharasy barysynda polıtsııa Kókshetaýdyń 48 jastaǵy turǵynyn anyqtady. Ol Aqtaý, Jańaózen, Nur-Sultan, Pavlodar qalalarynan kelgen 20-ǵa jýyq adamdy san soqtyrǵan. Áıel óz kinásin moıyndady», - dedi vedomstvodan.
Polıtsııa qyzmetkerleri atap ótkendeı, jábirlenýshiler sany budan da kóp bolýy múmkin. Sondyqtan tártip saqshylary osyǵan uqsas alaıaqtyqtan zardap shekkender bolsa, polıtsııa bólimderine júginýdi nemese «102» arnaıy jelisine qońyraý shalýdy suraıdy.
