Aqmola oblysynyń turǵyny urlyq ústinde qolǵa tústi
ASTANA. QazAqparat - Elordada beınebaqylaý kamerasy kólikten bólshekterdi urlap jatqan kúdiktini túsirip alǵan, dep habarlaıdy Astana qalasy ІІD baspasóz qyzmeti.
Oqıǵa bolǵan jerge tez arada jetken Almaty AІІB krımınaldyq polıtseıleri men jergilikti polıtsııa qyzmetkerleri 37 jasar Aqmola oblysynyń turǵynyn qolǵa túsirdi.
Tergeý barsynyda ol urlyq jasamaq bolǵanyn moıyndady. Bul derek QR QK-niń 188-baby boıynsha tergelýde. Ustalǵan azamattyń basqa da osyndaı qylmysqa qatysy bar-joqtyǵy tekserilýde.
