Aqmola oblysynyń turǵyny týysynyń telefonyn urlap, nesıe rásimdegen
KÓKShETAÝ. QazAqparat - Aqmola oblysynda 27 jastaǵy kelinshek týysynyń uıaly telefonyn urlap, artynsha onyń atyna nesıe rásimdegen, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, qylmystyq oqıǵa aǵymdaǵy jyldyń maýsym aıynda Atbasar aýdanynda tirkelgen. 29 jastaǵy zardap shegýshiniń sózinshe, belgisiz bireý onyń 2018 jyldyń mamyrynda joǵaltyp alǵan uıaly telefonyndaǵy mobıldi qosymsha arqyly nesıe rásimdepti.
Keıin anyqtalǵandaı, kelinshek telefony joǵalǵany týraly polıtsııaǵa aryz bermegen. Bir jyldan astam ýaqyt ótkennen keıin oǵan 620 000 teńge qaryzy bar týraly eskertý kelgen.
«Jedel izdestirý sharasy barysynda bıylǵy jylǵy tamyzdyń 1-de polıtsııa qyzmetkerleri kúdiktini anyqtady. 27 jastaǵy kúdikti zardap shegýshiniń týysy bolyp shyǵyp, óziniń jasaǵan qylmysyn moıyndady», dep aıtty vedomstvonyń baspasóz qyzmetindegiler.
