Aqmola oblysynyń turǵyny taýyp alǵan granatany polıtsııaǵa tapsyrdy
Oblystyq Polıtsııa departamenti baspasóz qyzmetiniń málimetinshe, bıylǵy jylǵy sáýirdiń 25-nen bastap Aqmola oblysy aýmaǵynda turǵyndardan tirkelmegen qarýdy, oq-dárilerdi jáne jarylǵysh zattardy satyp alý boıynsha keń aýqymdy aktsııa ótip jatyr. Aktsııa barysynda aqmolalyqtar polıtsııaǵa 3 mıllıon 600 myń teńgege 62 qarý tapsyrdy.
«Aktsııanyń alǵashqy kúni Atbasar aýdanynyń polıtsııa bólimine jergilikti turǵyn óz erkimen sholaq myltyqtyń 8 oq-dárisi men granataǵa uqsas zatty tapsyrdy. Áıeldiń aıtýynsha, ol «granatany» óziniń jer ýchaskesinen topyraq óńdeý kezinde taýyp alǵan. Aktsııa ótip jatqandyǵyn estip, tabylǵan zatty polıtsııaǵa tapsyrýdy jón dep sheshken. Tapsyrylǵan zat tıisti saraptamaǵa jiberildi», - dedi vedomstvodan.
Eske sala ketsek, Aqmola oblysynda jumysshy bastyǵyn baltalap óltirgenin jazǵan edik .
