Aqmola oblysynyń turǵyny kóligimen adam qaǵyp, qashyp ketken
KÓKShETAÝ. QazAqparat - Aqmola oblysynda 26 jastaǵy mas júrgizýshi jaıaý júrginshini qaǵyp ketip, oqıǵa ornynan qashyp ketken, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimeti boıynsha, jol apaty 31 naýryz kúni Kókshetaý qalasynyń irgesindegi Krasnoıar kentinde bolǵan.
«Volkswagen kóligin basqarǵan 1993 jylǵy er adam Sovetskaıa kóshesiniń boıymen, ıaǵnı №1 Krasnoıar orta mektebiniń mańynda ótip bara jatqan 47 jastaǵy aýyldasyn qaǵyp ketti. Zardap shekken adam jabyq-mı jaraqaty, jambas súıeginiń synýy dıagnozymen aýrýhanaǵa jetkizildi», - dedi vedomstvonyń baspasóz qyzmetindegiler.
Júrgizýshi oqıǵa ornynan izin sýytqanymen, alysqa uzaı almady. Ony jedel-izdestirý sharasy kezinde «Ásker10» avtopatrýl qyzmetkerleri qolǵa túsirdi.
Sonymen qatar, tekserý kezinde 26 jastaǵy júrgizýshi alkogoldi mas kúıinde bolǵany anyqtaldy.
«Avtokólik aıyppul alańyna qoıyldy. Júrgizýshiniń ústinen QR QK-nyń 345-baby 1-bóligi boıynsha is qozǵalyp, sotqa deıingi tergeý amaldary júrgizilýde», - dep tolyqtyrdy departamentten.
