Aqmola oblysynyń turǵyny dala órtine sebepshi boldy
KÓKShETAÝ. QazAqparat – Aqmola oblysy Aqkól aýdanynyń turǵyny traktorda jumys istep jatyp, dala órtiniń tutanýyna sebepshi boldy, dep habarlaıdy QazAqparat tilshisi óńirlik Tótenshe jaǵdaılar departamentiniń baspasóz qyzmetine silteme jasap.
Vedomstvonyń aqparaty boıynsha, Aqkól aýdany Vınogradovka aýylynyń turǵyny 14 tamyzda bolǵan dala órtiniń tutanýyna sebepshi bolyp otyr. Aqkól aýdandyq TJD qyzmetkerleri anyqtaǵandaı, órt pishen shabýǵa shyqqan aýyl turǵynynyń traktorynyń gaz shyǵaratyn tútiginen tutanǵan.
«14 tamyzda saǵat 10-17-de Aqkól qalasynyń órt sóndirý bólimine Naýmovskıı aýyldyq okrýginiń aýmaǵynda 0,5 gektar qurǵaq shóptiń janyp jatqany týraly habar túsken. Órt bir saǵattan keıin aýyzdyqtalǵan. Ony sóndirýge orman sharýashylyǵy, órt sóndirý beketi kúshteri men Qazavıaormanqorǵaý tikushaǵy atsalysty. Keıinirek 25 jastaǵy Aqkól aýdany turǵynynyń órt tutanýyna sebepshi bolǵany anyqtaldy. Traktordyń gaz shyǵaratyn tútiginde ushqyn sóndiretin bólshegi bolmaǵan», - dedi Aqkól aýdandyq TJD bastyǵy Bolat Qusaıynov.
Aýyl turǵyny QR Ákimshilik quqyq buzýshylyq kodeksiniń 410-baby 1-bóligi boıynsha ákimshilik jaýapqa tartyldy.
«Aýyl turǵyny kinásin tolyqtaı moıyndady. Ol órtti baıqaǵan sátte ózi sóndirmek bolǵan, alaıda qatty jeldiń saldarynan sóndirý múmkin bolmaǵan. Keıin órt sóndirýshilerge habarlasyp, oqıǵany habarlaǵan», - dedi Aqmola oblystyq TJD baspasóz qyzmetinde.
