Aqmola oblysynyń turǵyny 700 myń teńgeni alaıaqtarǵa ustata salǵan
KÓKShETAÝ.QazAqparat - Aqmola oblysy Esil aýdanynyń turǵyny alaıaqtardyń qurbany boldy, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Polıtseılerdiń deregi boıynsha naýryzdyń 14-kúni Esil qalasynda turatyn 93 jastaǵy ájeıdiń 700 000 teńgesin beımálim eki áıel alaıaqtyq jolmen úptep ketken.
«Tergeý amaldary barysynda anyqtalǵandaı, áleýmettik qyzmetshi retinde qarııanyń úıine barǵan eki kelinshek eski úlgidegi aqshany jańasyna aýystyrý qajet dep sendirgen.
Qazirgi kezde osyǵan baılanysty QR QK 190 babynyń 2 bólimi boıynsha sotqa deıingi is qozǵaldy. Sonymen qatar, kúdiktilerdi anyqtap, ustaý boıynsha keshendi túrde jedel-izdestirý sharalary júrgizilýde», dep kórsetilgen habarlamada.
