Aqmola oblysynyń sýdıasy paramen ustaldy

ASTANA. QazAqparat - Aqmola oblystyq qylmystyq ister jónindegi mamandandyrylǵan aýdanaralyq sotynyń sýdıasy 1,6 mln teńge para alý kúdigine ilikti. Bul týraly búgin Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Nurlan Jahın baspasóz máslıhatynda málim etti, dep habarlaıdy QazAqparat tilshisi.

«Ótken aptada BAQ tarapynan birqatar saýal kelip tústi. Biz qazirgi ýaqytta Aqmola oblystyq qylmystyq ister jónindegi mamandandyrylǵan aýdanaralyq sotynyń sýdıasyna qatysty sotqa deıingi tergeý amaldarynyń júrgizilip jatqanyn rastaımyz. Ol 1,6 mln teńge para aldy degen kúdikke ilikken», - dedi ol.

Onyń aıtýynsha, 2017 jyly 2 sýdıa para alǵany úshin jaýapqa tartylǵan. Al 2018 jyldyń 6 aıynda 4 sýdıaǵa qatysty tergeý amaldary júrgizilip jatyr.

«ıAǵnı, olar jaýapqa tartylatyn bolady», - dedi Nurlan Jahın.