Aqmola oblysynyń sportshylary qysqy spartakıadada baq synady
KÓKShETAÝ. QazAqparat - Aqmola oblysynyń Aqkól aýdanynda «Hrýstalnyı kolos» 31-shi oblystyq qysqy spartakıada ótti, dep habarlaıdy «QazAqparat» HAA tilshisi.
Sharaǵa 17 aýdan jáne 2 qaladan kelgen sportshylar qatysty. Aqmola oblysy ákiminiń orynbasary Nurlan Nurkenov olarǵa sáttilik tiledi.
Jarys hokkeı, dopty hokkeı, konkı jarysy jáne fýtzal syndy sport túrlerinen ótti.
Jalpy komandalyq esep boıynsha, aýdandar arasynda ótken jarysta Aqkól aýdany - birinshi, Zerendi aýdany - ekinshi jáne Sandyqtaý aýdanynyń komandasy úshinshi oryndy ıelendi.
Qalalar arasynda komandalyq esepte Kókshetaý qalasynyń quramasy 195 upaımen jeńimpaz atansa, 190,5 jáne 161 upaı jınaǵan Býrabaı jáne Atbasar aýdandary sáıkesinshe ekinshi jáne úshinshi oryndardy ıelendi. Al, Stepnogorsk qalasynyń qurama komandasy tórtinshi orynǵa turaqtady.
Jeńimpazdarǵa aqshalaı syılyqtar men sertıfıkattar tapsyryldy.
