Aqmola oblysynyń soltústiginde qar jaýdy
KÓKShETAÝ. QazAqparat - 29 sáýirden 30 sáýirge qaraǵan túni Aqmola oblysynyń soltústik óńirlerine qar jaýdy, dep habarlaıdy QazAqparat tilshisi.
Tabıǵat aqmolalyqtaǵa sáýirdiń sońǵy kúni osyndaı tosynsyı jasady.
Aqmola oblystyq «Qazgıdromet» RMK meteoboljaý bóliminiń basshysy Danıel Jumajanovtyń aıtýynsha, qar oblystyń tek soltústik aýdandaryna túsken. Munda budan buryn aýa raıyna baılanysty eskertý jarııalandy. Erteń, Qazaqstan halqynyń birligi kúni, Aqmola oblysynda taǵy jaýyn-shashyn túsýi múmkin.
Eske salaıyq, keshe «Qazgıdromet» RMK Aqmola, Soltústik Qazaqstan, Qostanaı oblystarynyń keı jerlerinde kóktaıǵaq, burqasyn, daýyl bolady dep boljady. Burshaq túsip, jeldiń jyldamdyǵy 15-20, ekpini 25 m/s-ke jetýi yqtımal. Aqmola oblysynyń keı jerlerinde naızaǵaı oınaýy múmkin.
Avtory: Oksana Matasova
