Aqmola oblysynyń sanepıdemıologııalyq qyzmet organdaryna jańa avtokólikter berildi
Sanıtarııalyq-epıdemıologııalyq baqylaý qyzmetteriniń materıaldyq-tehnıkalyq bazasyn nyǵaıtý maqsatynda Densaýlyq saqtaý mınıstrliginiń sanıtarııalyq-epıdemıologııalyq baqylaý komıteti respýblıkalyq bıýdjet qarajaty esebinen 132 avtokólik satyp alǵan. Qyzmettik kólikter elimizdiń barlyq sanıtarııalyq-epıdemıologııalyq baqylaý departamentterine bólindi.
«QR Táýelsizdik kúni qarsańynda 9 jańa avtokóliktiń kiltin Aqmola oblysy boıynsha sanıtarııalyq-epıdemıologııalyq baqylaý departamentiniń aýmaqtyq bólimsheleri – Astrahan, Bulandy, Býrabaı, Esil, Zerendi, Sandyqtaý, Tselınograd aýdandary men Kókshetaý qalasynyń sanıtarııalyq-epıdemıologııalyq baqylaý basqarmalary, sondaı-aq Aqmola oblysynyń sanıtarııalyq-epıdemıologııalyq baqylaý departamentiniń qyzmeti aldy», - dedi Aqmola oblystyq sanıtarııalyq-epıdemıologııalyq baqylaý departamentiniń baspasóz qyzmetinen.
Jańa avtokólikterdiń kiltin Aqmola oblysynyń bas memlekettik sanıtarııalyq dárigeri Aınagúl Mýsına saltanatty jaǵdaıda tabystady.
«Óńirdegi sanıtarııalyq-epıdemıologııalyq qyzmet organdarynyń materıaldyq-tehnıkalyq bazasy jyl saıyn jaqsaryp keledi. Osyndaı qoldaýdyń arqasynda qyzmetkerlerimiz aımaqtaǵy qolaıly epıdemıologııalyq jaǵdaıdy saqtaý úshin budan da úılesimdi jumys isteýge tyrysady», - dep atap ótti Aınagúl Mýsına.
Aıta ketsek, Aqmola oblysynda medıtsınalyq mekemelerdiń jabdyqtalý kórsetkishi ósti.
Foto: gov.kz
