Aqmola oblysynyń Sandyqtaý aýdanynda 65 úıdi sý aldy
KÓKShETAÝ. QazAqparat - Aqmola oblysynyń Sandyqtaý aýdanynda 65 úıdi sý basyp, 180-ge jýyq adam qaýipsiz jerge kóshirildi, dep habarlaıdy "QazAqparat" HAA tilshisi.
Aqmola oblystyq TJD qyzmetkeri Dýman Dəleshovtiń aıtýyna qaraǵanda osy kúni qutqarýshylar Atbasar, Arshaly jáne Sandyqtaý aýdandarynda sý tasqynymen kúresýde.
"Qazir kezde, óńirde sý tasqyny qaýipti shegine jetti. Atbasar men Arshaly aýdanyndarynda jaǵdaı turaqty. Al, Sandyqtaý aýdanynda jaǵdaı kúrdelene tústi. Búgin túske deıin Sandyqtaý aýylynda 50 úıdi sý basyp, 146 adam qaýipsiz jerge kóshirilse, Balkashın aýylynda 15 úı sýda qalyp, 30 adam (onyń 3 balany) qutqaryldy", dep túsindirdi D.Dəleshov.
Sonymen qatar, ol Sandyqtaý aýylynda turǵyndarǵa sý tasqynynyń qaýpi týraly eskertý barysynda jergilikti polıtsııanyń ýchaskelik ınspektory turǵyn úılerdiń birinen 1958 jyly týǵan əıel adamnyń múrdesin tapqanyn atap ótti. Əıeldiń ólimine sý tasqynynyń esh qatysy joq. Aldyn ala boljam boıynsha ólimge júrek qan tamyrlary aýrýy sebep bolǵan kórinedi.
Al, Arshaly aýdanyndaǵy 42 raezde 10 úıdiń aýlasyna sý kirip, turǵyndary qaýipsiz jerge kóshirilgen. Atalǵan aýdandarǵa Aqmola oblysynyń əkimi Məlik Myrzalın ózi baryp, sý tasqynyna qarsy sharalardy baqylaýǵa alǵan.
