Aqmola oblysynyń prokýrory Stepnogorskide qoǵamdyq qabyldaý ótkizdi
Óndiristik qalada oblys prokýrory qoǵamdyq qabyldaý ótkizip, jeke məselelerimen kelgen turǵyndardyń saýaldaryn tyńdady. Turǵyndar jylý eseptegish aspaptardy tekserý jəne paıdalaný, eńbekaqy qaryzyn óndirip alý tərizdi máselelerdi kóterip, prokýrordan kómek surady. Onyń ishinde keıbir saýaldar qala prokýrory Baýyrjan Qusaıynovtyń qaraýyna berildi.
Sonymen qatar Tımýr Táshimbaev túzetý mekemesinde jazasyn óteýshilerdiń jaǵdaıymen tanysyp, jergilikti atqarýshy organdarǵa olardy jumyspen qamtýǵa shaqyrdy. Oǵan qosa prokýror «Qazaqaltyn» TKMK» AQ boldy.
«Biz qoǵam ókilderi, turǵyndar úshin jumys isteımiz. Bizdiń basty ustanymyz memleketimizdiń qaýipsizdigi men azamattardyń alańsyz, jaıly ómir súrýine jaǵdaı jasaýǵa baǵyttalǵan», dedi kəsiporyn ujymymen kezdesýinde Táshimbaev.
Qala əkimi Ənýar Kúmpekeev oblys prokýroryna Aqsý jəne Bestóbe kentindegi zańsyz altyn rýdalaryn urlaýshylarmen kúresý sharalary týraly aıta kele, zańnamalyq jaǵynan qoldaý kórsetýin surady. Sondaı-aq, qalada salynǵan jedel basqarý ortalyǵyn jabdyqtaýǵa atsalysýyn ótindi.
Óz kezeginde prokýror óńirde ekstremızmdi aldyn alý, «nóldik tózbeýshilik» qaǵıdasy aıasynda túrli quqyq buzýshylyqtarmen kúresý qajettigin atap ótti.