Aqmola oblysynyń prokýratýrasy alımentten jaltarýshylarǵa shúılikti
Baspasóz málimetterine qaraǵanda, Bas prokýratýrasynyń tapsyrmasyna sáıkes, Kókshetaý qalasynyń prokýratýrasy Ádilet departamentimen, Jeke sot oryndaýshylarynyń óńirlik palatasymen, Kókshetaý qalasynyń polıtsııa basqarmasymen, Jumyspen qamtý jáne áleýmettik baǵdarlamalar bólimimen birlesip «Balany esińe al – alımentti tóle» aktsııasyn ótkizedi.
Atalǵan aktsııanyń maqsaty alıment óndirip alý boıynsha jumysty jandandyrý jáne alımentterdi tólemeý problemasyna jurtshylyqtyń nazaryn aýdarý bolyp tabylady.
Qala boıynsha 3,5 myńnan astam boryshker alıment tóleýden jaltaryp, óz tabysy men turatyn jerin jasyryp otyr.
Aktsııany ótkizý úshin Kókshetaý qalasy prokýrorynyń ókimimen atalǵan memlekettik organdardyń qatysýymen jumys toptary quryldy. Atalǵan aktsııa aıasynda alıment óndirip alý boıynsha birqatar is-sharalar ótkiziledi.
Alımentten jaltarýshylar ákimshilik jáne qylmystyq jaýapqa tartylady. Búgingi kúni Kókshetaý qalasy boıynsha 24 adam ákimshilik jaýapqa tartyldy, al 13 adamǵa qatysty sotqa deıingi tergeý bastaldy.
Osylaısha, Kókshetaý qalasynda qabyldanǵan sharalardyń arqasynda alıment boıynsha qaryz 40 mln. teńgege tómendedi.
Sonymen qatar, Bilim kúni qarsańynda aýdan prokýrorlary barlyq jerde «Mektepke jol» aktsııasyn uıymdastyryp, mektep formasyn, sondaı-aq az qamtylǵan otbasynan shyqqan oqýshylarǵa materıaldyq kómek kórsetti.