Aqmola oblysynyń polıtseıleri joǵalǵan bir úıir jylqyny taýyp berdi
KÓKShETAÝ. QazAqparat – Aqmola oblysy turǵynynyń bir úıir jylqysy tabyldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 3 jeltoqsanda Arshaly aýdandyq PB kezekshilik bólimine 26 jastaǵy jergilikti turǵynynan aryz túsken.
Er adamnyń aıtýynsha, 28 qarashada Jaltyrkól kenti mańynda jaıylyp júrgen 24 jylqysy joǵalyp ketken.
«Joǵalǵan túlikti mal ıesi ózi izdep tappaqshy bolǵan. Alaıda, ol árketinen túk shyqpaǵan soń, polıtsııadan kómek surǵan. Birneshe mobıldi topqa bólinip, jaqyn mańyndaǵy aýmaqtardy súzip shyqqan tártip saqshylary joǵalǵan jylqylardy Jibek joly aýyly mańynnan tapty. Mal ıesine qaıtaryldy», - deıdi vedomstvodan.
Keıin jylqysy tabylǵan er adam polıtseılerge alǵys aıtyp, vıdeo joldady.
Onda ol ýchaskelik ınspektordyń kómekshisi, kishi leıtenant Nurbolat Iosıf, ýchaskelik ınspektordyń kómekshisi, aǵa leıtenant Almas Sársenov, polıtsııanyń ýchaskelik ınspektory, polıtsııa maıory Bekzat Týlıapov, ýchaskelik ınspektor, polıtsııa kapıtany Darhan Qoıshybekov, aǵa ýchaskelik ınspektor Serik Syzdyqbaıǵa jylqylaryn tabýǵa kómekteskeni úshin rızashylyǵyn bildirgen.
