Aqmola oblysynyń polıtseıleri úzdik jýrnalısterdi marapattady
KÓKShETAÝ. QazAqparat - Búgin 28 maýsym - Baılanys jáne aqparat qyzmetkerleri kúni Aqmola oblystyq ІІD basshysynyń orynbasary Vıktor Býkreev respýblıkalyq jáne jergilikti buqaralyq aqparat quraldary ókilderin kásibı merekemen quttyqtap, úzdik jýrnalısterdi marapattady, dep habarlaıdy QazAqparat.
«Іshki ister organdary qyzmetkerleriniń oń ımıdjin qalyptastyrý, polıtsııa qyzmetin obektıvti túrde dáripteýde jýrnalısterdiń róli zor», - dedi Vıktor Býkreev quttyqtaý sózinde.
Merekelik sharada departament basshysynyń orynbasary qoǵamdyq tártipti saqtaýda, quqyq qorǵaý organdarynyń jumysyn kórsetýde belsendilik tanytqan jýrnalısterge «Qazaqstan Polıtsııasyna - 25 jyl» mereıtoılyq tósbelgisin jáne Alǵys hattar tabys etti.
Olardyń arasynda «QazAqparat» HAA óńirdegi menshikti tilshisi Aslan Ospanov «Qazaqstan polıtsııasyna - 25 jyl» mereıtoılyq tósbelgisine jáne aqshalaı syılyqqa ıe boldy.
