Aqmola oblysynyń polıtseıleri Naýryz meıramy qarsańynda kúsheıtilgen jumys rejimine kóshýde
ASTANA. 14 naýryz. QazAqparat - Aqmola oblysynyń polıtseıleri Naýryz meıramy qarsańynda kúsheıtilgen jumys rejimine kóshýde. Bul týraly óńirdiń Іshki ister departamentiniń baspasóz qyzmetinen habarlady.
Osy maqsatta 14-18 naýryz aralyǵynda «Quqyqtyq tártip» respýblıkalyq shuǵyl-aldyn alý is-sharasy ótkiziletin bolady. Tártip saqshylary qoǵamdyq tártipti qamtamasyz etý úshin naqty is-sharalardy qolǵa almaqshy. Máselen, halyq kóp shoǵyrlanatyn oryndar men kóshelerde, kóńil kóterý mekemeleri ornalasqan aýmaqtarda sondaı-aq, bazarlar, saýda ortalyqtary men vokzaldarda kezekshilik baǵyttar kúsheıtiletin bolady. Polıtseıler sonymen birge, qurylys nysandary, qaraýsyz qalǵan ǵımarattar men jer tólelerdi, káriz qudyqtary men úılerdiń shatyrlaryn jiti tekserip shyqpaq.
Odan bólek, izdeýde turǵan kólikterdi tabý maqsatynda garajdy aımaqtar tekseriledi.
Baspasóz qyzmetinen atap ótkendeı, esirtkilik, psıhotroptyq zattardyń aımaqqa ený joldaryn kesý úshin densaýlyq saqtaý organdarynyń esirtkige qarsy qyzmetterimen birlesip oblys pen aýdan ortalyqtaryndaǵy túńgi kóńil kóterý mekemelerine reıdter júrgiziledi.
