Aqmola oblysynyń polıtseıleri kıikti qorlaǵandardy izdestirýde
KÓKShETAÝ.QazAqparat-Aqmola oblysynyń polıtseıleri əleýmettik jelide taraǵan vıdeodaǵy áreketke qatysty «zańsyz ańshylyq» baby boıynsha is qozǵap, brakonerlerdi izdestirýde, dep habarlaıdy QazAqparat tilshisi.
«Qorǵaljyn ulttyq tabıǵı parkiniń dırektorynyń aryzy boıynsha QR QK 337 babynyń 4 bólimi 1 bólimshesi boıynsha (zańsyz ańshylyq) sotaldy is qozǵaldy», dep túsindirdi ІІD baspasóz hatshysy Gúlnər Pınchýk.
Sonymen qatar, baspasóz qyzmetindegiler əleýmettik jelide taraǵan atalǵan vıdeodaǵy adamdardyń izdestirilip jatqandyǵyn aıtty.
Eske sala keteıik, jaqynda Facebook əleýmettik jelisinde belgisiz adamdardyń kıikterdi qorlaǵan vıdeosy jarııalanǵan bolatyn. Onda er adam men bala tiri janýarmen sýretke túsip, keıin jibere salǵan.
Aldyn ala derekter boıynsha, oqıǵa jeltoqsannyń 1-i kúni bolǵan. Osyǵan oraı QR Aýyl sharýashylyǵy mınıstrligi Orman sharýashylyǵy komıtetiniń baspasóz qyzmetindegiler qoǵam múshelerinen vıdeorolıktegi adamdardy anyqtaýǵa kómektesýdi surady.
