Aqmola oblysynyń polıtseıleri bir apta joǵalyp ketken kelinshekti tapty
KÓKShETAÝ. QazAqparat - Aqmola oblysynda kúıeýinen qashyp júrgen áıel tabyldy. Bul týraly oblystyq ІІD baspasóz qyzmetinen habarlady.
Polıtseılerdiń deregi boıynsha 6 kún boıy izdeýde júrgen úsh balanyń anasy kúıeýinen qashyp saıajaıdy panalaǵan.
Shildeniń 14-i kúni Kókshetaý qalalyq ІІB-ine 44 jastaǵy qala turǵyny habarlasyp, áıeliniń iz-tússiz joǵalyp ketkenin aıtqan. Er adamnyń sózine qaraǵanda 1975 jylǵy áıel tańerteń úıinen jumysyna ketip, keıin qaıtyp oralmaǵan. Osyǵan baılanysty qalalyq ІІB qyzmetkerleri áıelge izdeý jarııalaıdy.
Polıtseıler anyqtaǵandaı joǵalǵan áıel oblys ortalyǵyndaǵy saýda úıleriniń birinde oıynshyq satýmen aınalysady. Sonymen qatar onyń spırttik ishimdikke áýes ekeni anyqtaldy. Onyń úıinen qashýyna da osy sebep bolǵan.
Shildeniń 14 kúni barǵan ony túski úzilis kezinde dırektor mas kúıinde ekenin kórip, úıine jiberedi. Alaıda, áıel kúıeýine qoǵamdyq kólikpen úıine kele jatqanyn habarlap, biraq ózi basqa jaqqa bet alady. Keshke deıin deıin áıelin alańdap tosqan er adam kelmegen soń polıtsııaǵa habarlasady.
«Qalalyq ІІB krımınaldyq polıtsııa bóliminiń qyzmetkerleri túrli boljamdar boıynsha áıeldi izdeýge kirisedi. Nátıjesinde tanystaryn tekserý barysynda joǵalǵan áıeldiń 80 jastaǵy anasy qala syrtynda turatyn anyqtaıdy. Keıin áıeldiń ózi de osynda saıajaıdaǵy úıden tabylady. Qazirgi kezde áıel tabylyp, otbasymen qaýyshty», dep kórsetilgen habarlamada.
