Aqmola oblysynyń ótken jyldaǵy 20 jetistigi
1. 2020 jyly ınvestıtsııa kólemi 2019 jylǵy deńgeıden asty. Kúrdeli jaǵdaıda jumys isteı otyryp, aqmolalyq kásiporyndar óndiristi jańǵyrtýǵa belsendi túrde qarjy ınvestıtsııalady. Sóıtip osy kórsetkish boıynsha respýblıkada úzdik úshtiktiń qatarynan kórindi.
2. Oblys ótken jyldyń qorytyndysy boıynsha tarıhı meje – 1 trıllıon teńgege jetti. Búgin tańda óńirdiń ındýstrııalyq áleýeti kópsalaly qurylymdy bildiredi. Ónerkásip óniminiń kólemi 27 ese ósti.
3. Oblys altyn óndirý boıynsha respýblıkada 1-orynda. Búginde 30 tonnaǵa jýyq altyn óndiriledi, bul 2003 jylǵy kólemnen 14 ese artyq. Bul kórsetkish jaqyn arada RG Gold jáne Aqsý Technology jańa fabrıkalaryn salý boıynsha perspektıvalyq jobalardy iske asyrý esebinen aıtarlyqtaı artady.
4. Aqmolalyq dıqandar mol ónim jınady. Óńir agrarshylary 5,2 mln tonna astyq bastyrdy, bul ótken jylǵy jalpy túsimnen 17 paıyzǵa artyq. Ortasha ónimdilik gektarynan 11,8 tsentnerdi qurady, bul kórsetkishten ótken jylǵymen salystyrǵanda birshama joǵary.
5. Aqmola oblysynda birden 2 jel elektr stansasy salyndy. Sonyń biri - Ereımentaý aýdanynda qýaty 30 MVt bolatyn stansa. Bul - qýaty men jyljymaly aýdany boıynsha ámbebap jel qondyrǵysy, naryqtaǵy eń jaqsy týrbına 2 MVt-qa deıin.
Arshaly aýdanynda «Astana EXPO-2017» jel elektr stansasynyń ekinshi kezegi paıdalanýǵa berildi, ol 10 myńnan astam otbasynyń jyldyq energııa tutynýyn qamtamasyz etýge, parnıktik gazdar shyǵaryndylaryn jylyna 230 myń tonnaǵa azaıtýǵa jáne jyl saıyn 80 myń tonna qatty otyndy únemdeýge múmkindik beredi.
Sondaı-aq, jel elektr stantsııasyn salý ınvestıtsııalyq jobasy oblys ortalyǵyna jaqyn jerde júzege asyryldy, onda qýaty saǵatyna 3,7 MVt bolatyn 5 jel generatory salyndy. Tolyq elektr qýatymen ár qondyrǵy 750 kVt óndire alady.
6. «Makınsk qus fabrıkasy» seriktestigi broıler ósirý boıynsha óndiristiń ekinshi kezegin paıdalanýǵa berdi. Bul kásiporynnyń qýatyn jylyna 25 myń tonnadan 56 myń tonnaǵa deıin arttyrýǵa múmkindik beredi. Ekinshi kezeń iske qosylǵan soń qus fabrıkasy qýaty jaǵynan Qazaqstandaǵy eń iri kásiporynǵa aınaldy. Alǵashqy broılerler 2021 jyldyń qańtarynda etke soıylady.
7. Oblysta «RG Gold» seriktestiginde altyn óndirý fabrıkasynyń qurylysy bastaldy. Aýqymdy jobalardyń biri jyldyq qýaty 5 mıllıon tonnaǵa deıingi bastapqy kendi qaıta óńdeýge baǵyttalǵan. Qurylysty aıaqtaý jáne paıdalanýǵa berý 2022 jyldyń úshinshi toqsanyna josparlanǵan. Jańa nysandy iske qosý bir myń qosymsha jumys ornyn ashady.
8. Aqmola oblysynda 2020 jyly 5 myńnan astam páter paıdalanýǵa berildi. Qoljetimdi turǵyn úı qurylysymen oblystyń barlyq 11 aýdany jáne Kókshetaý men Stepnogor qalalary qamtylǵan. Memlekettik ınvestıtsııa esebinen oblysta 30 jalǵa beriletin jáne 13 nesıe úıi salynýda.
9. Bıyl jergilikti mańyzy bar 700 shaqyrym jol jóndeldi, onyń ishinde 250 shaqyrymy «Jumyspen qamtýdyń jol kartasy» sheńberinde.
Sońǵy úsh jyl ishinde, qazirgi joldardy qosa alǵanda, 1,5 myń shaqyrymnan astam jergilikti jol jaqsy jaǵdaıǵa keltirildi, onyń ishinde 800 shaqyrymy aýyldyq jerlerde.
10. Qopa kóliniń jaǵasy abattandyryldy. Munda zamanaýı sport alańdary, balalar oıyn alańdary, jaıaý júrginshiler men velojoldar, 500 oryndyq amfıteatr, jasyl alleıalar, qaıyqtar men katamarandarǵa arnalǵan pırster paıda boldy.
11. Aqmola kásiporyndary elimizde alǵashqylardyń biri bolyp óndiristi ıgerdi, al keıbireýleri pandemııa jaǵdaıynda asa qajetti ónimder jelisin jańartty. «Tynys» aktsıonerlik qoǵamy ókpeni jasandy jeldetýge arnalǵan apparattardy shyǵarýdy jedel túrde 10 eseden astam arttyrdy, olar bizdiń elimiz boıynsha iske asyrylýda.
«Turmystyq hımııa zaýyty» seriktestigi qysqa merzimde bakterııaǵa qarsy jáne antıseptıkalyq ónimderdiń jańa óndirisin qaıta baǵdarlady jáne retke keltirdi.
12. Oblys ortalyǵynda 150 patsıentke arnalǵan Onkologııalyq ortalyqtyń qurylysy aıaqtaldy. Qazirgi zamanǵy emdeý mekemesinde qaterli isikterge kúdikti patsıentterge, sondaı-aq dıspanserlik esepte turǵan adamdarǵa konsýltatsııalyq-dıagnostıkalyq kómek kórsetiledi.
Ortalyq ozyq medıtsınalyq jabdyqtarmen - MRT apparatymen, jańa KT apparatymen, 3 jumys ornyna arnalǵan rentgen apparatymen, stereotaksıs fýnktsııasy bar mamografpen, sondaı-aq endoskopııalyq jabdyqtyń tolyq jelisimen jabdyqtalǵan.
13. «Bolashaq» jańa oqýshylar saraıy salyndy. Negizgi baǵyt - IT, robototehnıka jáne baǵdarlamalaý tili. Saraıǵa oqý ǵımaraty, sport zaly, basseın kiredi. Munda 75-ten astam damý klýby quryldy.
14. Aqmola oblysynda birqatar mektepterge kórnekti tulǵalardyń esimderi berildi. Oblystyń 6 bilim mekemesiniń ataýy ózgerdi.
Daryndy balalarǵa arnalǵan №3 oblystyq mamandandyrylǵan mektep-ınternatyna qazaqtyń uly aqyny Abaıdyń esimi berildi. ІT mektep-lıtseıi endi uly ǵalym ál-Farabıdiń esimimen atalady.
Stepnogordaǵy tórt mektepke Ybyraı Altynsarınniń, Ahmet Baıtursynovtyń, Shoqan Ýálıhanovtyń jáne Qanysh Sátbaevtyń esimi berildi.
15. Şýchınsk-Býrabaı kýrort aımaǵy aıtarlyqtaı ózgerdi. Qazaqstannyń basty kýrort aımaǵy – Býrabaıda ulttyq parktiń kórikti jerlerin tamashalaýǵa bolatyn baqylaý alańynyń qurylysy aıaqtaldy. Ol «Kókshetaý» taý jotasynda 135 metr bıiktikte ornalasqan.
Sondaı-aq, Býrabaıdaǵy Abylaı han alańynda «Batyrlar» kórkem-músindik kompozıtsııasy paıda boldy. «PromenadeBurabay» kópfýnktsıonaldy kesheniniń jáne Qazaqstanda balamasy joq ekspozıtsııalyq keshen –mýltımedııalyq mádenı-kórme keńistiginiń qurylysy aıaqtaldy.
Attraktsıondary bar bıik sholý sheńberi salyndy, sonymen qatar Discovery aýmaǵynda akvapark paıda boldy.
16. Kókshetaýda múmkindigi shekteýli jandarǵa arnalǵan alǵashqy sport kesheni ashyldy. Keshende bir ýaqytta múmkindigi shekteýli 60 adam sportpen shuǵyldana alady. Munda barlyq qajetti jaǵdaılar jasalǵan - jattyǵý zaly, emshara-massaj kabıneti, jekpe-jek jáne fıtnes zaldary bar. Aldaǵy ýaqytta qonaq úı kesheni men jabyq fýtbol alańyn salý josparlanýda.
17. 21 mýral Kókshetaýdaǵy turǵyn úılerdiń qasbetine ár berip tur. Tarıhı tulǵalar men ulttyq dástúrler beınelengen naǵyz óner týyndylary - qala ákimdiginiń bastamasy. Sýretshilerdiń kúsh-jigeriniń arqasynda olarǵa Abylaı hannyń, Shoqan Ýálıhanovtyń túrli-tústi portretteri, sondaı-aq ulttyq salt-dástúr beınesi salyndy.
18. Aqmolalyq kásiporyn QR Prezıdentiniń «Altyn sapa» arnaıy syılyǵynyń ıegeri atandy. «INTER TRADE» seriktestigi «Altyn sapa» syılyǵynyń laýreattaryn saltanatty marapattaý rásiminde «Іsker» arnaıy syılyǵynyń laýreaty atandy.
Kompanııanyń menshiginde ónimdiligi táýligine 150 tonna un shyǵaratyn «Atbasar uny» retinde tanymal jumsaq, I, II surypty bıdaıdan joǵary surypty un shyǵaratyn dıirmen kesheni bar.
19. Málik Ǵabdýllınniń jarııalanbaǵan kitaby jaryq kórdi. Jerlesimiz, Keńes Odaǵynyń Batyry, jazýshy, ádebıettanýshy, qoǵam qaıratkeri M.Ǵabdýllınniń kitaby Baýyrjan Momyshulynyń jáne basqa da qazaq jaýyngerleriniń Uly Otan soǵysy jyldarynda kórsetken erligine arnalǵan.
20. QR Mádenıet jáne sport mınıstrligi uıymdastyrǵan ІІІ respýblıkalyq onlaın baıqaý qorytyndysy boıynsha Aqmola oblysy 4 atalym boıynsha jeńiske jetti:
- «Oblystyq mańyzy bar úzdik mýzeı» atalymy boıynsha bıyl ǵasyrlyq mereıtoıyn atap ótken Aqmola oblystyq tarıhı-ólketaný murajaıy jeńimpaz boldy;
- «Bir otbasy - bir kásip» atalymy boıynsha Qorǵaljyn aýdanynyń Qusaıynovtardyń halyqtyq otbasylyq ansambli úzdik atandy;
- Maǵjan Jumabaev atyndaǵy Aqmola oblystyq ámbebap ǵylymı kitaphanasynyń saıty «Memlekettik kitaphanalardyń úzdik saıty» atalymy boıynsha úzdik dep tanyldy;
- «Aýdandyq mańyzy bar kitaphananyń úzdik qyzmetkeri» atalymy boıynsha Jaqsy ortalyq aýdandyq kitaphanasynyń kitaphanashysy Aınur Qaıdaýlova jeńimpaz atandy.
