Aqmola oblysynyń ormanshylary kásibı merekelerin atap ótti
KÓKShETAÝ. QazAqparat - Býrabaı aýdanynda «Býrabaı» orman qyzmetiniń 120 jyldyǵy jəne orman qyzmetkerleriniń kásibı merekesi atalyp ótti, dep habarlaıdy QazAqparat tilshisi əkimdiktiń baspasóz qyzmetine silteme jasap.
Sharaǵa aımaq basshysy Məlik Myrzalın qatysyp, quttyqtaý sóz sóıledi.
«Orman sharýashylyǵy qyzmetkerleriniń kəsibı merekesin bıyl alǵash ret atap ótip otyrmyz. «Býrabaı» memlekettik ulttyq tabıǵı parki Býrabaı, Bulandy jəne Birjan sal aýdandarynyń aýmaǵyn alyp jatyr. Orman sharýashylyǵy qyzmetkerlerine myqty densaýlyq, otbasylyq baqyt jáne orman qoryn saqtap, ulǵaıtýda səttilik tileımin», - dedi oblys ákimi.
Sonymen qatar, saltanatty sharada QR Prezıdenti Іs basqarmasynyń bólim basshysy Ǵabıt Malǵazdarov, Aqmola oblysy boıynsha orman sharýashylyǵy jəne janýarlar álemi óńirlik ınspektsııasynyń basshysy Aıdar Darbaev jəne «Býrabaı» memlekettik ulttyq tabıǵı parkiniń dırektory Ǵalymjan Əbdiqalyqov əriptesterine jyly lebizin bildirdi.
Shara barysynda orman sharýashylyǵy salasynyń eńbek ozattary QR Prezıdenti Іs basqarmasynyń Qurmet gramotalarymen, Aýyl sharýashylyǵy mınıstrliginiń tós belgilerimen, Aqmola oblysy, Býrabaı jəne Birjan sal aýdandary ákimderiniń Alǵys hattarymen marapattaldy.
Merekelik shara kontserttik baǵdarlamaǵa ulasty.
