Aqmola oblysynyń orman qorynda 100-ge jýyq qaraǵaı zańsyz kesilgen

KÓKShETAÝ. QazAqparat – Sandyqtaý aýdanyndaǵy Úlken Túkti orman sharýashylyǵy aýmaǵynda 100-ge jýyq qaraǵaı aǵashtary zańsyz kesilgen. Bul týraly Aqmola oblystyq orman sharýashylyǵy jáne janýarlar dúnıesi aýmaqtyq ınspektsııasy tabıǵatty qorǵaý prokýratýrasynyń talaby boıynsha júrgizgen reıd kezinde belgili boldy, dep habarlaıdy QazAqparat tilshisi oblystyq prokýratýranyń baspasóz qyzmetine silteme jasap.

«Sandyqtaý aýdandyq PB jedel-tergeý toby tekserý barysynda anyqtaǵandaı, Úlken Túkti orman sharýashylyǵynyń memlekettik orman qory aýmaǵyndaǵy Kamensk ormanshylyǵynda 96 aǵash kesilip, 9 jas aǵashtyń tamyry kesilgen. Sonymen birge, Úlken Túkti orman sharýashylyǵy mekemesi bul aǵashty kesýge ruqsat bermegeni jáne memleketke 700 myń teńgeden astam shyǵyn keltirilgeni anyqtaldy. Qazirgi kezde Sandyqtaý aýdandyq PB qyzmetkerleri kináli tulǵalardy anyqtaý jáne jaýapqa tartý úshin sotqa deıingi tergeý amalyn júrgizip jatyr», - deıdi vedomstvodan.