Aqmola oblysynyń mýzeılerinde ashyq esik kúni ótkizildi
KÓKShETAÝ. QazAqparat - Aqmola oblysynyń mýzeılerinde ashyq esik kúni ótkizildi, dep habarlaıdy QazAqparat tilshisi.
Aqmola oblystyq mádenıt, arhıvter jáne qujattamalar basqarmasy baspasóz qyzmetiniń málimetinshe, Halyqaralyq týrızm kúnine oraı Málik Ǵabdýllın mýzeıinde ashyq esik kúni uıymdastyryldy. Sharanyń maqsaty kópshilik qaýymnyń mýzeıge degen qyzyǵýshylyqtaryn arttyrý, Málik Ǵabdýllınniń ónegeli ómir jolyn nasıhattaý.
«Ashyq esik kúninde «Tsentr dolgoletııa Úmit» qoǵamdyq birlestiginiń kelýshilerine, Sh.Ýálıhanov atyndaǵy Kókshetaý ýnıversıtetiniń, M.Ǵabdýllın atyndaǵy azamattyq qorǵaý akademııasynyń, J.Mýsın atyndaǵy Joǵary pedagogıkalyq kolledjiniń jáne Joǵary tehnıkalyq kolledjiniń stýdentterine ekskýrsııa júrgizilip, barlyǵy 216 adamǵa qyzmet kórsetildi», - dedi vedomstvodan.
Sonymen birge, Aqmola oblystyq tarıhı-ólketaný murajaıynda «Ashyq esik kúni» aktsııasy uıymdastyryldy. Onda 100-ge jýyq adam mýzeıge kelip, jádigerlermen tanysty.
«Biz munda halqymyzdyń ótken ómirinen syr shertetin qundy dúnıelerdi kózben kórip, tanystyq. Murajaıǵa ár kelgen saıyn qyzyǵýshylyǵymyz arta túsedi. Sebebi, murjaıdan rýhanı azyq, erekshe áser alasyn. Mundaǵy, qundy jádigerler ulttyq mádenıetimiz ben salt — dástúrimizdi kórsetedi», - dep áserlerimen bólisti J.Mýsın atyndaǵy Joǵary pedagogıkalyq kolledjiniń stýdentteri.
