Aqmola oblysynyń mýzeıi jańa jobalardy júzege asyrýda

KÓKShETAÝ. QazAqparat - Jyl basynan beri Aqmola oblysyndaǵy 11 murjaıda 1 595 ekskýrsııa, 439 lektsııa, 238 kórme uıymdastyryldy, sondaı-aq, 936 murajaı zattary zertteledi, dep habarlaıdy QazAqparat tilshisi oblystyq ishki saıasat basqarmasyna silteme jasap.

Oblystyq mádenıet, arhıvter jáne qujattamalar basqarmasynyń málimetinshe, «Aýyl el besigi» baǵdarlamasymen jalpy somasy 710,4 mıllıon teńge bólinip, Krasnyı ıAr kentindegi «Kókshe» MÚ kúrdeli jóndeýden ótkizilgen, al Shortandy jáne Atbasar aýdandarynda jastar demalys ortalyqtary salynǵan. Bul úsh joba aıasynda atqarylǵan qurylys jumystaryna barlyǵy 194 adam ýaqytsha jumysqa turǵan.

Al, «Jumyspen qamtýdyń jol kartasy» baǵdarlamasy sheńberinde jalpy somasy 1,3 mıllıard teńgege 38 joba bekitilip, shalǵaı aýyldardaǵy mádenı nysandarǵa aǵymdaǵy jóndeý jumystary júrgizilgen. Bul jobalar aıasynda barlyǵy 460 adam jumyspen qamtylyp, onyń 232-sine jumyspen qamtý mekemeleri arqyly jumys berilgen.

Jalpy, jyl basynan beri óńirdiń mádenıet salasyna barlyǵy 26 jas maman kelgen, onyń 9-y «Dıplommen aýylǵa» baǵdarlamasy arqyly aýyl klýbtaryna jumysqa turǵan.

Budan bólek, jyl basynan beri basqarma jetekshiligimen óńirdiń mádenı, rýhanı ómirine áser eterlik aýqymdy jumystar atqarylǵan.

Bıylǵy jyly óńirde tarıhı-mádenı murany saqtaý maqsatynda qolǵa alynǵan jobalardyń biri Qazaq handyǵynyń negizin qalaýshy Jánibek hannyń kesenesin zertteý jáne qalypqa keltirý jumystary.

Óńirde sonymen qatar «Rýhanı jańǵyrý» baǵdarlamasymen 4 bazalyq joba qolǵa alynýda. Bul maqsatta belgili tulǵalar qurmetine qoıylǵan eskertkishter men mazarlardy jańǵyrtý jumystary júrgizilip turady.

Jyl basynan beri oblystaǵy 11 murjaıda 1 595 ekskýrsııa, 439 lektsııa, 238 kórme uıymdastyryldy, 936 murajaı zattary alynyp, zertteý júrgizilgen.