Aqmola oblysynyń mektepterine 15 jańa avtobýs berildi

KÓKShETAÝ. QazAqparat - Aqmola oblysyndaǵy mektepterdiń parki 15 jańa avtobýspen tolyqty. Balalardy mektepke jetkizýdi qajet etetin aýyldyq eldi mekenderge kólikter berildi. Avtobýstardyń kiltin tabystaý rásimine Oqý-aǵartý vıtse-mınıstri Aıbat Іlııasov qatysty, dep habarlaıdy QazAqparat.

«Mınıstrliktiń bastamasymen bıyl respýblıka boıynsha 515 mektep avtobýsy satyp alynady. Biz buǵan deıin oqýshylardy mektep avtobýsymen qamtamasyz etý máselesin birneshe ret kótergen bolatynbyz. Al bıyl bul másele respýblıkalyq deńgeıde sheshilip, balalardy mektepke aparý úshin jańa avtobýstar alýǵa qarjy bólinip otyr. Balalardy avtobýspen qamtamasyz etý úshin qarjy ákimdikterge bólinedi. Jaqyn arada Aqtóbe, Batys Qazaqstan, Qaraǵandy, Túrkistan jáne basqa oblystarǵa mektep avtobýstary jetkiziledi», - dedi vıtse-mınıstr Aıbat Bolatov.

Jańa avtobýstar qaýipsizdik belbeýimen, mektep rıýkzaktaryna arnalǵan sórelermen jáne esigi ashyq kezde qozǵalysty tejeıtin mehanızmmen jabdyqtalǵan.

Aýyl balalary endi mektepke de, oblystyq baıqaýlar men olımpıadalarǵa da bara alady.

Buǵan deıin mınıstrlik balalardy qaýipsiz tasymaldaýdyń jańa erejelerin ázirlegen bolatyn.

Otandyq avtobýstar qarjy lızıngi baǵdarlamasy boıynsha jeńildetilgen sharttarmen satyp alynady.

Bul mehanızm el mektepteriniń avtobýs parkin kezeń-kezeńmen jańartýǵa jáne keńeıtýge múmkindik beredi.