Aqmola oblysynyń mádenıet salasynyń qyzmetkerleri bıýdjet qarajatyn jymqyrǵan

KÓKShETAÝ. QazAqparat - Aqmola oblysynyń prokýratýrasy oblystyń mádenıet basqarmasy bólimsheleri basshylarynyń bıýdjet qarajatyn jymqyrý áreketin anyqtady.

Bul týraly QazAqparat Aqmola oblystyq prokýratýrasynyń baspasóz qyzmetine silteme jasap habarlaıdy.

Baspasóz qyzmetiniń málimetterine qaraǵanda, «Qalalyq aqparattyq-kitaphana júıesi» KMM dırektory, onyń orynbasary, «Tarıhı-mádenı murany qorǵaý ortalyǵy» KMM dırektory, Ortalyq qalalyq balalar-jasóspirimder kitaphanasynyń meńgerýshisine 2018-2021 jyldary bıýdjet qarajatyn jymqyrǵan degen kúdik keltirilip otyr.

Qylmystyq is-áreketke mekemelerdiń ondaǵan qyzmetkerleri, mekeme basshylarynyń týystary tartylǵan. Olar qaǵaz júzinde jumysqa ornalastyrylyp, aı saıyn jumys istemeı jalaqy alyp otyrǵan, issaparlarǵa jiberilgen, syıaqy alǵan.

«Jalaqy men basqa da tólemder, issaparlar men syıaqy, jalǵan ótinishter, buıryqtar negizinde basshylyqtyń jáne basqa da qyzmetkerlerdiń kartochkasyna aýdarylyp otyrǵan. 2021 jyldyń 16 shildesinde sot úkimimen «joq adamdardy» jumysqa ornalastyrý arqyly bıýdjet qarajatyn jymqyrǵany úshin «Qalalyq aqparattyq-kitaphana júıesi» KMM dırektory men onyń orynbasary sottalyp, jumystan bosatyldy»,-delingen habarlamada.

Bıylǵy jyldyń aqpan aıynda Aqmola oblysy mádenıet basqarmasynyń tarıhı-mádenı murany qorǵaý jáne paıdalaný ortalyǵynyń basshysy bıýdjet qarajatyn jymqyrǵany úshin sottaldy.