Aqmola oblysynyń mádenıet salasy qalaı damýda
KÓKShETAÝ. QazAqparat – 2021 jyly Aqmola oblysynyń mádenıet salasyn qarjylandyrýǵa jeti mıllıardtan astam teńge bólindi. 22 nysandy 400 mıllıonnan astam somaǵa jóndeý josparlanǵan.
Bul týraly brıfıng barysynda oblystyq mádenıet, arhıvter jáne qujattama basqarmasynyń basshysy Aıgúl Sábıtova aıtty, dep habarlaıdy QazAqparat ishki saıasat basqarmasynyń baspasóz qyzmetine silteme jasap.
«Bir kúrdeli jóndeý jumysyna oblystyq bıýdjetten 50 mln teńge bólinse, 21 mádenıet nysanyn aǵymdaǵy jóndeýden ótkizýge shamamen 355 mıllıon teńge bólindi. Bul – bir aýdandyq mádenıet úıi, bir mádenı, mádenı-bos ýaqyt ótkizý ortalyǵy, bir aýdandyq kitaphana jáne 17 aýyldyq mádenıet úıi», – dedi Aıgúl Sábıtova.
«Aýyl – el besigi» jobasynyń aıasynda Atbasar aýdanynyń Bastaý aýylynda jastardyń bos ýaqytyn ótkizý ortalyǵynyń qurylysy josparlanǵan. Birinshi kezeń aıaqtaldy. Sondaı-aq Jaqsy aýdanynyń Jaqsy aýylyndaǵy aýdandyq mádenıet úıi de kúrdeli jóndeýden ótti.
«2020 jyly mádenıet salasyn qarjylandyrýǵa toǵyz mıllıard teńge qarastyrylǵan. Sonymen qatar oblystyq mádenıet kásiporyndarynyń materıaldyq-tehnıkalyq bazasyn nyǵaıtýǵa 259 mln teńgeden astam qarajat bólindi. Aýdandyq mádenıet kásiporyndarynyń materıaldyq-tehnıkalyq bazasyn nyǵaıtýǵa bıýdjetten 1,5 mıllıardqa jýyq qarajat bólindi», – dedi spıker.
«Aýyl – el besigi» jobasynyń aıasynda jalpy somasy 676 mıllıon teńgeden asatyn úsh joba iske asyryldy. Bul – Krasnyı ıAr aýylyndaǵy «Kókshe» mádenıet úıiniń ǵımaratyn kúrdeli jóndeý, Shortandy aýdanynyń mádenı-bos ýaqyt ótkizý ortalyǵynyń kúrdeli jóndeý jumystary, Atbasar aýdanynyń Bastaý aýylyndaǵy jastardyń mádenı-bos ýaqyt ótkizý ortalyǵynyń qurylysynyń birinshi kezeńiniń aıaqtalýy.
«Jumyspen qamtýdyń jol kartasy» respýblıkalyq baǵdarlamasyna jalpy somasy 1,5 mıllıard teńge bolatyn 57 joba endi, 40 nysan jóndeldi. Baǵdarlama nátıjesinde 507 adam jumysqa ornalastyryldy, halyqty jumyspen qamtý ortalyǵynan – 221 adam. Oblysta barlyq menshik nysanyndaǵy 649 mádenıet jáne arhıv nysandary jumys isteıdi, onyń ishinde 621-i memlekettik.
