Aqmola oblysynyń Krasnoıar aýyly «sý astynda qaldy»
KÓKShETAÝ. QazAqparat - Aqmola oblysynda ótken «Kóktem-2017» respýblıkalyq komandalyq-shtabtyq oqý-jattyǵý barysynda tótenshe jaǵdaılardy joıý kezinde basqarma organdary men memlekettik azamattyq qorǵanys kúshteriniń daıyndyǵy tekserilip, algorıtmi pysyqtaldy, dep habarlaıdy «QazAqparat» HAA tilshisi.
Kóktemgi sý tasqyny saldarynan týyndaıtyn tótenshe jaǵdaılardyń zardabyn joıý kezinde is-qımyl jáne azamattyq qorǵanys júıesiniń daıyndyǵyn anyqtaý maqsatynda uıymdastyrylǵan sharaǵa Aqmola oblysy ákiminiń orynbasary Janbolat Smaıylov jáne jergilikti atqarýshy organdar, QR ІІD TJK óńirlik bólimsheleri jáne azamattyq qorǵanys qurylymdary tartyldy.
Atalǵan sharalar Aqmola oblysynyń ár aýdanynda qolǵa alyndy. Sonyń biri - oblys ortalyǵynyń irgesinde ornalasqan Krasnoıar selosyndaǵy Shaǵalaly sý qoımasynda ótti. Oǵan 287 adam, 92 tehnıka jəne 4 júzý quraly jumyldyryldy.
Arnaıy-taktıkalyq jattyǵý jumystary barysynda «sý basqan aımaqtardaǵy turǵyndardy qaýipsiz jerge shyǵarý», «ómirlik mańyzdaǵy nysandardan shyqqan órtti aýyzdyqtaý», «ómirlik mańyzdaǵy nysandarǵa keltirilgen zaraptardy joıý», «sý qoımalarynda izdestirý- qutqarý jumystaryn júrgizý» tárizdi tótenshe jaǵdaılardy joıý kezinde basqarma organdary men memlekettik azamattyq qorǵanys kúshteriniń daıyndyǵy tekserilip, pysyqtaldy.
