Aqmola oblysynyń koronavırýs ınfektsııasyna qarsy daıyndyǵy joǵary
KÓKShETAÝ. QazAqparat - Aqmola oblysynyń koronavırýs ınfektsııasyna qarsy daıyndyǵy joǵary deńgeıde. Bul týraly Aqmola oblystyq máslıhatynyń depýtaty, «Nur Otan» partııasy oblystyq fılıalynyń «Densaýlyq saqtaý» baǵyty boıynsha óńirlik komıssııanyń kýratory Serik Aıaǵanov aıtty, dep habarlaıdy QazAqparat tilshisi.
«Koronavırýs - bul óte juqpaly ınfektsııa. Qańtar aıynan bastap, biraz elde taralyp jatyr. Infektsııa juqtyrǵandardyń alǵash Qytaıda tirkeldi. Qazirgi jaǵdaıda Qazaqstanda koronavırýspen aýyrǵan adam joq. Bul negizinen adamnan adamǵa sóılesip otyrǵanda, sýyq tıip jótelse, sosyn túshkirse, taǵy basqa da jolmen juǵýy múmkin. Sosyn bul vırýs kıim arqyly da júǵady múmkin. Birinshiden bul vırýs negizinen 50 gradýstan joǵary temperatýrada joıylady. Ekinshiden kez kelgen adam jeke basynyń gıgenasyna kóp kóńil bólýi tıis. Eger adamda boıynda tumaýdyń belgisi baıqalsa, birden betperde kııýi kerek. Bul aýrýdyń belgisi - jótel, temperatýra jáne entigý. Osyndaı bola qalǵan kezde birden dárigerdiń kómegine júginý kerek. Dárigerler naýqasqa qandaı shara qoldaýy kerektigin anyqtaıdy», - deıdi Serik Aıaǵanov.
Sonymen qatar, ol qandaı da bir ınfektsııalyq aýrýmen naýqastanyp júrgen adamdar toı sekildi kópshilik jınalatyn orynǵa barmaýy kerektigin aıtýda.
«Bizdiń elimizde bul ınfektsııa tirkelgen joq dep qol qýsyryp otyra almaımyz. Biraz jumystar jasaldy. Oblystyq shtab quryldy. Árbir mekeme bul ınfektsııany aldyn alý jumystaryn júrgizip jatyr. Oblystyq týberkýlezge qarsy dıspanserde 50 naýqasty emdeý múmkindigi bar. Budan bólek, Aqmola oblystyq kópbeıindi aýrýhanasynyń bir korpýsynda 100 oryndyq provızerlik naýqastardy baqylap, emdeý qarastyrylyp otyr.
Aıta ketý kerek, koronavırýs bul emdeletin dert. Tek, arnaıy vaktsınasy joq. Qazir dúnıejúziniń ǵalymdary munymen aınalysyp jatyr. Degenmen, biz sımptomatııalyq emdeý sharalaryn qoldanatyn bolamyz. ıAǵnı, naýqasta temperatýra, ıntoksıkatsııa bolsa, dárilerdi, antıbıotıkterdi beremiz. Qazirgi kezde, dári-dármekterdiń assortımenti jetkilikti. Jalpy, oblystyń koronavırýsqa daıyndyǵy óte joǵary»,- deıdi S.Aıaǵanov.
