Aqmola oblysynyń kıeli jerleri Sankt-Peterbýrgte tanystyryldy

KÓKShETAÝ. QazAqparat-Aqmola oblysynyń kıeli jerleri Sankt-Peterbýrgte ótken «Jańa tehnologııalar jáne pedagogıkalyq tájirıbe» «Reseı-Qazaqstan» jas zertteýshilerdiń bolashaqqa kózqarasy» atty ǵylymı-konferentsııada tanystyryldy, dep habarlaıdy QazAqparat tilshisi.

Aqmola oblysynyń ishki saıasat basqarmasynyń málimeti boıynsha, sharaǵa Aqmola oblysynan qatysqan Esil qalasyndaǵy №2 balalar úıiniń tárbıelenýshileri Anastasııa Moreva, Valentına Orlıýk, Elena Maksımova jáne Valentına Moorg qatysyp, ózderiniń ǵylymı jumystaryn usyndy.

Anastasııa Moreva usynǵan «Aqmola oblysynyń kıeli jerleri» jobasy QR Prezıdenti Nursultan Nazarbaevtyń «Bolashaqqa baǵdar: Rýhanı jańǵyrý» qoǵamdyq sanany jańǵyrtý baǵdarlamasynyń basty ıdeıasyn ashyp berdi. Anastasııa tanystyrǵan Qazaqstannyń kıeli jerleri tizimine engen Aqmola oblysynyń 10 kıeli nysanyn túsindirý jumystaryn tóreshiler oń baǵalady. Jobany júzege asyrý barysynda Anastasııa óńirdiń ańyzdaryn zerttegen. Krasıvyı jáne Svobodnyı aýyldary turǵyndarynan saýalnama da alǵan. Onyń nátıjeleri osy jobada kórsetilgen. Tipti, Anastasııa Aqmola oblysynyń Esil aýdany boıynsha kıeli jerleriniń georafııasyna arnalǵan balalar úıiniń «Jańa Day» gazetin de shyǵarǵan.

«Patrıotızm kindik qanyń tamǵan jerińe, ósken aýylyńa, qalań men óńirińe, ıaǵnı týǵan jerińe degen súıispenshilikten bastalady. Bizdiń ólke týraly ańyzdar alǵashqy ondyqqa kirmese biz ony bilýimiz kerek. Ol bizdiń tarıhymyz»,- dedi Anastasııa óz sózinde.

Konferentsııa uıymdastyrýshylary qatysýshylardyń daıyndyǵyna joǵary baǵa berip, árqaısysyn 1-shi dárejeli dıplomdarmen marapattady.