Aqmola oblysynyń QAJD qyzmetkerleri balalar úıiniń tárbıelenýshilerin quttyqtady
KÓKShETAÝ. QazAqparat - Balalardy qorǵaý kúni qarsańynda Aqmola oblysy boıynsha Qylmystyq atqarý júıesi departamentiniń qyzmetkerleri Aqkóldegi №1 balalar úıiniń tárbıelenýshilerin merekemen quttyqtady, dep habarlaıdy QazAqparat tilshisi.
Aqmola oblysy boıynsha Qylmystyq atqarý júıesi departamenti baspasóz qyzmetiniń málimetinshe, jyl saıyn 1 maýsymda maksımaldy qaýipsizdik mekemesiniń ujymy Aqkóldegi balalar úıiniń tárbıelenýshilerin merekemen quttyqtap, syılyqtar úılestiredi. Bıyl da sol dástúr jalǵasyn tapty. Bul joly ádettegideı, ár túrli jastaǵy balalarǵa arnalǵan oıynshyqtar, balany damytý oıynshyqtary, doptar jáne basqa da kóptegen syılyqtar úlestirildi.
«Búgingi tańda balalar úıinde júzden astam bala tárbıelenýde. Olar oblystyń ár óńirinen kelgen. Balalar jasyna qaraı da, emotsıonaldy-psıhologııalyq jaǵynan da erekshelenedi, biraq bári birdeı ózderine kóńil bólgendi qalaıdy, qamqorlyqqa zárý», - dedi vedomstvonyń baspasóz hatshysy Irına Gornova.
Balalar úıi dırektorynyń orynbasary Anna Dosmuhambetova qyzmetkerlerge olardyń tárbıelenýshilerine kóńil bólgeni jáne balalardy qýantýǵa ýaqyt bólgenderi úshin alǵys bildirdi.
