Aqmola oblysynyń HQKO-syn «Jasyryn satyp alýshy» tekserdi
Departamenttiń deregi boıynsha, aǵymdaǵy jyldyń qańtary jáne aqpany aılarynda «Azamattarǵa arnalǵan úkimet» memlekettik korporatsııasy» KE AQ Aqmola oblysy boıynsha fılıalynyń front-keńselerindegi memlekettik qyzmet kórsetý barysyndaǵy ákimshilik kedergilerdi anyqtaý boıynsha jumystar atqaryldy.
«Monıtorıng nátıjeleri boıynsha kóshi-qon qyzmetteri ortalyǵynda múmkindigi shekteýli azamattar úshin tıisti jaǵdaılardyń jasalmaǵandyǵy anyqtaldy. ıAǵnı, shaqyrý belgileri ornatylmaǵan, pandýsqa qoljetimdilik shektelgen (qardan tazartylmaǵan). Nátıjesinde Departament sáıkestendirilgen usynymdar engizip, barlyq atalǵan kedergiler joıyldy», deıdi Aqmola oblysy boıynsha Memlekettik qyzmet isteri jáne sybaılas jemqorlyqqa qarsy is-qımyl departamentiniń baspasóz hatshysy Jazıra Toqtar.
Sonymen qatar ákimshilik kedergilerdi anyqtaý boıynsha jumystar barysynda medıtsınalyq uıymdarda kórsetiletin memlekettik qyzmetter týraly zańnama talaptarynyń saqtalmaǵandyǵy anyqtaldy. Mysaly, «Jasyryn satyp alýshy» psıhonevrologııalyq jáne narkologııalyq uıymdardan anyqtama alý úderisiniń buzylǵanyn anyqtady. ıAǵnı Halyqqa qyzmet kórsetý ortalyǵynan ózine ózi qyzmet kórsetý sektory arqyly elektrondy anyqtamalardy alǵannan soń tirkeý bóliminiń qyzmetkerleri jasyryn satyp alýshyny oblystyq psıhıkalyq densaýlyq ortalyǵyna 086/Ý anyqtamasyna arnaıy esepke alýdyń bolýy nemese bolmaýy jónindegi belgisin qoıdyrý maqsatynda jibergen. «Jasyryn satyp alýshy» atalǵan ortalyqtyń mamanyna (dárigerine) buǵan deıin alǵan elektrondy anyqtamalaryn berýi tıis boldy.
Joǵaryda atalǵan kórsetiletin memlekettik qyzmetterdiń standartyna sáıkes atalǵan úderis qarastyrylmaǵan. Osy oraıda departament tıisti sharalar qabyldady. Bul baǵytta atqarylatyn jumystar áli de jalǵasady.