Aqmola oblysynyń Ereımentaý aýdanynda qýaty 300 MVt bolatyn jel elektr stansasy iske qosylady
ASTANA. QazAQparat - Aqmola oblysynda údemeli ındýstrııalyq-ınnovatsııalyq baǵdarlama aıasynda bıyl jyl aıaǵynda jańa jel elektr stansasy iske qosylady. Bul týraly Aqmola oblysy ákiminiń baspasóz qyzmeti habarlady.
Ákimdiktiń málimetinshe, jobanyń jalpy quny 17 mlrd. 688 mln. teńgeni quraıdy. Búgingi kúni óndiris orny boı kóteretin jerde stansanyń irgetasy qalanyp, 19,5 shaqyrym tehnıkalyq jol salynǵan. Sondaı-aq, qajetti nysandardyń sektsııasy men qoımalar jasalǵan. Jel elektr stansasynyń alǵashynda óndiretin elektr qýaty 45 MVt-tan bastalyp, keıin 300 MVt-qa deıin jetkiziletin bolady.
Sonymen qatar, aýdanda jelden elektr energııasyn óndiretin taǵy bir joba iske qosylady. Búgingi tańda ony «ShevronMunaıGaz Ink» kompanııasy jasap jatyr. Jylyna 30-50 MVt elektr qýatyn óndiretin jobanyń jalpy quny 35 mlrd. 777 mln. teńgeni quraıdy. Jasyl ekonomıkaǵa negizdelgen bul nysan 2017 jyly iske qosylady dep josparlanýda.
