Aqmola oblysynyń eldi­ mekenderinde aýyz sýmen qamtamasyz etý máselesi birindep sheshilip keledi

KÓKShETAÝ. QazAqparat - Aqmola oblysynyń Jarqaıyń aýdanynda eldi­ mekenderdi sapaly aýyz sýmen qamtamasyz etý máselesi birindep sheshilip keledi, dep habarlaıdy «QazAqparat» HAA tilshisi.

Qazirgi kezde, aýdan­da ortalyqtandyrylǵan ­ aýyz sýmen turǵyndardyń 92 paıyzy qamtyldy. Shoıyndykól, Nahımov, Qumsýat, Barankól aýyldarynda sý qoryna monıtorıng jáne geologııalyq zertteý jumystary júrgizilip, Qumsýat jáne Birsýat aýyldarynda 27 jylǵa jetetin sý qory  bar ekeni anyqtaldy. Memlekettik saraptama alý úshin Birsýat aýylyna aýyz sýmen qamtamasyz etý júıesin qalpyna keltirý boıynsha jobalyq-smetalyq qujattama joldandy. Bıyldan bastap, sýmen jabdyqtaýdyń úshinshi kezeńin júzege asyrý, káriz júıeleri jáne tazartý ǵımarattary nysandaryn qalpyna keltirý josparlanǵan. Aýdandyq bıýdjet esebinen memlekettik saraptamamen jobalyq smetalyq qujattamasy ázirlendi.

Sonymen qatar, turǵyn­úı kommýnaldyq sharýashylyq salasynda 400 metr jylýmen qamtý júıesi jańartylyp otyr. Qalanyń ákimshilik ǵımarattaryn ortalyqtandyrǵan jylý júıesine qosý boıynsha kezekti jobalar júzege asyrylýda. Qazandyqtardy  ońtaılandyrý nátıjesinde kelesi jyldary kóppáterli turǵyn úılerdi bir ortalyqtandyrylǵan jylý kózderine qosý josparlanǵan.