Aqmola oblysynyń eki júzden astam nysany «Ashyq» jobasy boıynsha jumys istep jatyr
NUR-SULTAN. QazAqparat - Aqmola oblysynyń eki júzden astam nysany «Ashyq» jobasy boıynsha jumys istep jatyr, dep habarlaıdy QazAqparat QR Densaýlyq saqtaý mınıstrliginiń Sanıtarııalyq-epıdemıologııalyq baqylaý komıtetiniń baspasóz qyzmetine silteme jasap.
21 sáýirde Aqmola oblysynyń aýmaǵyndaǵy bıznes sýbektileri koronavırýs ınfektsııanyń taralý qaýpin azaıtý boıynsha «Ashyq» jobasyna qosyldy.
Qazirgi tańda oblys boıynsha jobaǵa qatysý úshin 285 ótinim túsken, olardyń 239-y resmı túrde rásimdelip, kásipkerlerge QR-kodtary berildi.
Atalǵan qosymsha PTR-diń jalpy bazasymen biriktirilgendikten, jeke tulǵanyń statýsyn, onyń naýqaspen qarym qatynasta bolǵanyn nemese qaı sanatqa jatatyndyǵyn dál anyqtaýǵa múmkindik beredi.
Máselen, 27 mamyrda Şýche qalasyndaǵy kınoteatryna «qyzyl» statýsy bar er adam kirmek bolǵan. Anyqtalǵan kelýshiniń kınoteatrǵa kirýine jol berilgen joq.
«Ashyq» jobasy iske qosylǵannan beri Aqmola oblysyndaǵy qoǵamdyq nysandarǵa «sary» statýsy bar 11, «qyzyl» statýsy bar 7 adam ótpek bolǵan.
