Aqmola oblysynyń eki turǵyny mal urlaǵany úshin 8 jáne 5 jylǵa sottaldy
SQO polıtsııa departamenti baspasóz qyzmetiniń málimetinshe, Aqmola oblysynyń eki turǵyny 2021 jyldyń jazynda mal urlaýmen aınalysqan. Olar óz óńirlerinde ǵana emes, kórshi SQO-ǵa da kelip, jurttyń qorasyn buzyp kirip, maldaryn artyp áketip otyrǵan.
Taıynsha aýdany tergeýshileriniń aıtýynsha, qylmyskerlerdiń bireýi - buryn sottalǵan Kókshetaý alasynyń 39 jastaǵy turǵyny. Onyń 4 qylmysqa qatysy bary anyqtaldy. Şýchınsk qalasynda turatyn onyń 45 jastaǵy sybaılasy da buryn isti bolǵan, ol 3 qylmys boıynsha kúdikke ilindi. Urylar qoı men buzaýlardy kókshetaýlyqtyń «Nissan Primera» avtokóligimen áketken.
«Kókshetaý turǵyny 8 jylǵa bas bostandyǵynan aıyryldy, Şýchınsk qalasynyń turǵyny 5 jylǵa sottaldy. Urlyqtar qora-qopsyǵa buzyp kirý arqyly da, maldy baılanyp turǵan jerinen áketý arqyly da jasalǵan. Desek te, mal urlyǵy kóp jaǵdaıda maldyń erkin jaıylymda júrýinen bolady. Polıtsııa qyzmetkerleri halyqpen kezdesý kezinde, BAQ jáne áleýmettik jeli arqyly mal ıelerin óz múlikterine saq bolýǵa, baqtashy men jergilikti atqarýshy organdarmen úsh jaqty kelisim jasaýǵa shaqyrady», - deıdi SQO polıtsııa departamenti krımınaldyq polıtsııa basqarmasynyń bastyǵy Marat Jumalıev.
Tártip saqshylarynyń aıtýynsha, SQO-da mal urlyǵy aıtarlyqtaı tómendegen. 8 aıdyń ishinde osyndaı 11 qylmys tirkeldi, ótken jyldyń uqsas kezeńimen salystyrǵanda bul 12 qylmysqa az, ıaǵnı 52,2 % tómendegen. Bul polıtseılerdiń profılaktıkalyq jumysy, maldy erkin jaıýǵa zańnamamen tyıym salý jáne 2019 jyldyń sońynda QR Qylmystyq kodeksinen bólek «Mal urlyǵy» 188-1-bóliginiń engizilýi arqasynda bolyp otyr. Polıtseılerdiń aıtýynsha, barymtashylarǵa 10 jylǵa deıin bas bostandyǵynan aıyrý jazasy qarastyrylǵan.