Aqmola oblysynyń eki turǵyny krannyń 50 metr mys kabelin tústi metalǵa ótkizip jibergen
KÓKShETAÝ. QazAqparat - Aqmola oblysynda krannyń 50 metr mys kabelin urlaǵan kúdiktiler ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, qańtardyń 27-de Esil aýdandyq polıtsııa bólimine jergilikti JShS-niń kúzetshisi habarlasyp, belgisiz bireýlerdiń sheberhananyń tehnıkalyq bólmesiniń esigindegi qulypty buzyp, kranǵa arnalǵan uzyndyǵy 50 metr mys sym kabelin urlaǵanyn aıtqan.
«Jedel izdestirý sharasy barysynda kúdiktiler anyqtalyp, Esil aýdanynyń 25 jáne 28 jastaǵy eki turǵyny ustaldy. Anyqtalǵandaı, kúdiktiler urlanǵan kabeldi garajda bólshektep, tústi metall qabyldaıtyn orynǵa ótkizgen. Zattaı aıǵaqtar alyndy», - dedi vedomstvodan.
Qazirgi kezde, kúdiktilerdiń ústinen QR QK 188 babynyń 3 bóligi «urlyq» boıynsha iz qozǵalyp, sotqa deıingi tergeý sharalary júrgizilýde. Kúdiktilerge qatysty «shaqyrǵanda kelý mindettemesi» protsessýaldyq sharasy qol alyndy.
