Aqmola oblysynyń dıqandary bıyl mol ónimnen úmitti
KÓKShETAÝ. QazAqparat - Aqmola oblysynyń dıqandary bıyl mol ónimnen úmitti. Buǵan astyqty óńir sanalatyn Jarqaıyń aýdanynyń ákimi Murat Balpan Ýálıhanov selolyq okrýgindegi sharýashylyqtardyń egis alqaptarynda bolǵanynda kóz jetkizdi, dep habarlaıdy QazAqparat tilshisi Aqmola oblysynyń ishki saıasat basqarmasyna silteme jasap.
Eginniń bitik shyǵýyna bıylǵy aýa raıy jaıly bolyp otyr. Jaýyn-shashynnyń kóp bolýy topyraqtaǵy ylǵal qoryn eseleı tústi. Mamyrdyń 22-27 kúnderi aralyǵynda 16 mm jańbyr jaýdy. Osy qolaıly sátti utymdy paıdalanyp qalýǵa asyqqan «Gýrııa» óndiristik kooperatıvi egin sebý naýqanyna bar kúshti jumyldyrýda.
«Bizdiń sharýashylyqqa tıesili 5740 gektar egistik alqabymyz bar. Búgingi tańǵa deıin onyń 3500 gektaryna dán seýip úlgerdik. Eginshilikpen birge mal sharýashylyǵyn qatar alyp kelemiz. Kooperatıvte 500-den astam shoshqa ósiriledi», - deıdi «Gýrııa» óndiristik kooperatıviniń basshysy Avtandıl Sıamashvılı.
Sonymen qatar, aýdan basshysy «Zolotoı kolos», «Zarıa», «Solomatın» «Gorızont» «Rýbın», «Tan» sharýa qojalyqtary jáne «Arman» ónidiristik kooperatıvinde bolyp, turmystyq jaǵdaıyna nazar aýdardy. Tanap dala qosyndaǵy brıgadalarda mehanızatorlardyń jumys isteýine barlyq jaǵdaı jasalynǵan.
Jarqaıyń aýdanyndaǵy Ýálıhanov selolyq okrýginde 2 óndiristik kooperatıv, 63 sharýa qojalyǵy bar. Okýrgte barlyǵy 31 778 gektar egistik alqapqa tuqym sebilýde. Okýrg boıynsha naýqan jarty mejeden asyp, 58,4 paıyzdy qurady. Onyń ishinde «Arıal», «Zevs», «Roman-S», «Zarıa» tárizdi 25 usaq sharýashylyqtar alǵashqy bolyp, tuqym sebý jumystaryn aıaqtady.
Eske sala keteıik, Aqmola oblystyq aýyl sharýashylyǵy basqarmasynyń jedel məlimeti boıynsha 29 mamyr, ıaǵnı, búginge deıin 4 mıllıon 313,5 myń gektar egistik alqabynyń 2 mıllıon 927,1 myń gektaryna dəndi jəne burshaqty daqyldar sebildi. Bul - barlyq egis alqabynyń 67,9 paıyzy. Barlyq egis alqabynyń 73,8 paıyzyna tuqym seýip úlgergen Esil aýdany kósh bastap keledi. Birjan sal jəne Jarqaıyń aýdandary kóktemgi egis jumystaryn 72 paıyzdan asyrdy. Mal azyǵy daqyldary - kópjyldyq shóp barlyq egis alqabynyń - 80, birjyldyq shóp 60,8 paıyzyna sebildi. Maıly daqyldar sebý 84 paıyzǵa jetti. 17,4 myń gektar alqapqa kartop, 3,6 myń gektarǵa kókónis otyrǵyzyldy.
