Aqmola oblysynyń Derjavınsk qalasynda jańa aýrýhana paıdalanýǵa berildi (FOTO)
KÓKShETAÝ. QazAqparat- Aqmola oblysynyń Derjavınsk qalasynda 70 oryndyq emhanasy bar jańa aýrýhana paıdalanýǵa berildi.
Atalmysh medıtsınalyq mekeme «350 dárigerlik ambýlatorııa, feldsherlik-akýsherlik pýnkt jáne emhana qurylysy» memlekettik baǵdaralama aıasynda salyndy. Jobanyń jalpy quny - 2,9 mlrd teńge. Korpýs qýattylyǵy - táýligine 70 adam.
Medıtsınalyq mekemeniń ashylý saltanatyna qatysqan aımaq basshysy aýdan turǵyndaryn quttyqtaı kele qurylys jumystaryn júrgizgen merdiger kompanııanyń «Ýralskstroıınvest» JShS-na alǵysyn bildirdi.
«Búgin jarqaıyńdyqtar úshin aıtýly oqıǵa. Elbasy N.Nazarbaevtyń tapsyrmasyna sáıkes halyqqa sapaly medıtsınalyq qyzmet kósetý maqsatynda Derjavınsk qalasynda 70 oryndyq emhanasy bar jańa aýrýhanany paıdalanýǵa berip otyrmyz. Endi turǵyndar osynda qazirgi zamanǵy ozyq quraldarmen jabdyqtalǵan aýrhanada sapaly medıtsınalyq qyzmet alatyn bolady. Aldaǵy ýaqytta kadr máslesinde birtindep sheshetin bolamyz», - dedi oblys ákimi Sergeı Kýlagın quttyqtaý sózinde.
Aıta ketý kerek, medıtsınalyq mekemede dıagnostıka, rentgenologııalyq, endoskopııalyq, fızıoterapııalyq, akýsher-gınekolog kabınetteri jumys isteıdi.
