Aqmola oblysynyń dárigerleri koronavırýspen kúresti kúsheıtýde
KÓKShETAÝ. QazAqparat - Aqmola oblysynyń medıtsınalyq mekemeleri koronavırýspen kúresý úshin qosymsha jabdyqtar satyp aldy. Bul týraly jýrnalıstermen ótken onlaın brıfıngte oblystyq densaýlyq saqtaý basqarmasynyń basshysy Súlen Іlıasov aıtty, dep habarlaıdy QazAqparat tilshisi.
«Emdeý sharalaryn odan ári tıimdi júrgizý úshin densaýlyq saqtaý basqarmasy ókpeni jasandy jeldetetin 17 apparat, naýqas monıtory, kópbeıindi kerýet, narkoz-tynys alý eki apparat, 10 elektrli sorǵysh satyp alyndy», – dedi Súlen Іlıasov.
Jabdyqtar tótenshe jaǵdaıǵa arnalǵan rezervtegi qarajatqa satyp alyndy.
«Stantsıonarlarda úsh júzden astam medıtsınalyq qyzmetker tartyldy. Onyń 69 dáriger, 139 orta medıtsınalyq qyzmetker, 132 bizdiń personal», – dep tolyqtyrdy Súlen Іlıasov.
Sonymen birge, kerýetter sany 573-den 837 deıin ulǵaıtyldy. Onyń 162 juqpaly aýrýlar statsıonarynda. Eger adamdar ózderiniń jaýapkershiligin arttyrmasa, bul sharalar kómektespeıdi. Búgingi tańda oblystyq týberkýlezge qarsy dıspanseriniń juqpaly aýrýlar stantsıonarynda 76 naýqas em qabyldaýda, onyń beseýiniń jaǵdaıy aýyr. Al, aýrý belgileri bilinbeıtin naýqastar ambýlatorııalyq jaǵdaıda em alýda. Úıde emdelýine jaǵdaıy joqtar Býrabaı kentindegi «Býrabaı» oblystyq balalardy ońaltý ortalyǵynda 30 adamǵa arnalǵan karantındik stantsıonarǵa ornalastyrylady. Ár bir naýqasqa pýlsoksımetr beriledi. Olar táýligine eki ólshep medıtsıtsınalyq qyzmetkerge beredi», – deıdi basqarma basshysy.
Aıta keteıik, bıylǵy jyldyń naýryz aıynan bastap, óńirdiń juqpaly aýrýlar stantsıonarynda 250 naýqas emdeldi. Onyń ishinde 46 adamnyń jaǵdaıy aýyr boldy. Biraq, soǵan qaramastan olar vırýstan aıyǵyp shyqty. Sońǵy táýliktiń ishinde 15 adamnyń koronavırýs juqtyrǵany tirkelse, onyń ekeýi Kókshetaý qalasynyń úlesinde.
