Aqmola oblysynyń Tselınograd aýdanyna TJD-nyń qosymsha kúshteri attandy
KÓKShETAÝ. QazAqparat - Sý tasqynyna qarsy is-shara barysynda jergilikti atqarýshy organdarǵa kómek kórsetý úshin Tselınograd aýdanyna Tótenshe jaǵdaılar departamentiniń kúshteri men quraldary jiberildi.
Jaqynda Atbasar aýdanyna attanatyn bolady, dep habarlaıdy QazAqparat tilshisi oblystyq Tótenshe jaǵdaılar departamentiniń baspasóz qyzmetine silteme jasap.
Vedomstvonyń málimetinshe, jergilikti bılik kóktemgi kezeńnen qaýipsiz ótý úshin barlyq sharalardy qabyldap jatqanyna qaramastan, keıbir eldi mekenderde, ásirese, elorda mańynda sý basý qaýpi saqtalýda.
«Búgin TJD qyzmetkerleri men tehnıkasy Tselınograd aýdanynda shuǵyl apattyq-qutqarý jumystaryn júrgizý úshin jiberildi. Onyń quramynda 66 adam, 16 tehnıka jáne 10 motopompa bar», – dedi Aqmola oblystyq TJD bastyǵy Nurlan Atyǵaev.
Aıta ketý kerek, sý tasqyny jaǵdaıy nasharlaǵan kezde qutqarýshylar turǵyndardy evakýatsııalaýdy júzege asyrady. Ol úshin evakýatsııalanýshylardy qabyldaıtyn 222 negizgi pýnkt, 71 rezervtik pýnkt, mal aıdaýǵa arnalǵan 98 oryn daıyndaldy. Sondaı-aq 2 733 adam, 1 292 birlik tehnıka, 59 júzý quraldary, 248 motopompa daıarlandy. 353,5 tonna janar-jaǵar maı, 15 480 tonna ınertti materıaldar, 93 941 dana qap ázirlendi.
