Aqmola oblysynyń Býrabaı aýdanynda jańa meshit ashyldy
Kenesary aýylynda ashylǵan meshittiń ımamy Jasulan Ertehalyqtyń aıtýynsha, ǵımarat on bes aıda salynyp bitipti. 1700-deı turǵyny bar aýyldyq okrýgtiń aýmaǵynda turatyn myńǵa tarta ıisi musylman qaýym meshit qurylysyna qoldan kelgen kómekterin kórsetipti. Jańa meshit túgeldeı halyqtyń óz qaltasynan shyǵarǵan qarjysyna salynǵan. Úsh bólikten turatyn meshittiń erler namaz oqıtyn negizgi úlken zalyna júzge tarta adam sııatyn bolsa, áıelder bólmesi otyz adamǵa shaqtalǵan. Odan basqa jýynyp, dáret alatyn oryn bar.
Jańa meshittiń ashylý saltanatyna qatysqan Býrabaı aýdany ákiminiń orynbasary Málıke Nurhanova kenesarylyqtardy musylman qaýymy úshin ulyq mereke sanalatyn - Qurban aıtymen quttyqtap, jańa meshit qut-berke ákelsin degen aq tilegin bildirdi.
Jańa meshittiń lentasyn QMDB-nyń Aqmola oblysyndaǵy ókili, Naýan haziret meshitiniń ımamy Qýanysh Sábıt oblystyń ókil ımamy qıdy. Jurttyń aldynda meshit ımamy ýaǵyz aıtyp, alǵashqy namaz oqyldy. Budan keıin aýyldaǵy dámhanada árýaqtarǵa arnap úlken as berildi.
Aıta keterligi, Kenesary aýylynda meshit janynan taıaý bolashaqta musylman dámhanasy da salynbaqshy.
