Aqmola oblysynyń bı ujymy Halyqaralyq baıqaýda I oryn aldy
KÓKShETAÝ. QazAqparat – Sankt-Peterbýrg qalasynda ótken «Kúzgi armandar» halyqaralyq onlaın-óner baıqaýynda Jaqsy aýdanynyń «Karnaval» bı ujymy birinshi dárejeli laýreat atandy, dep habarlaıdy QazAqparat ishki saıasat basqarmasyna silteme jasap.
Ujym «Radýga ıskýsstv» halyqaralyq talanttar birlestiginiń «Halyq bıi, ansambl, aralas eresek top» nomınatsııasy boıynsha «Dala qyzǵaldaqtary» bıimen birinshi dárejeli laýreat dıplomymen marapattaldy.
Bı ujymy bul baıqaýǵa alǵash ret qatysyp otyr. Іs-shara balalar men jastardyń kórkemónerpazdyqtaryn qoldaý jáne damytý, shyǵarmashylyq arqyly kórermendi ulttyq mádenıetterdiń dástúrlerine tartý, qatysýshylardyń oryndaýshylyq deńgeıin arttyrý jáne jańa shyǵarmashylyq ujymdardy izdeý maqsatynda ótkizildi.
Jaqsy aýdanynyń jas daryndaryna laıyqty baǵa bergen baıqaýdyń qazylar alqasynyń quramyna vokaldyń kásibı pedagogtary, kompozıtorlar, kıno akterleri, rejısserler men horeograftar kirdi.
«Karnaval» bı ujymy 2001 jyldan bastap Belaǵash aýyldyq mádenıet úıinde jumys isteıdi. Ujym aýyldyń, aýdannyń jáne oblystyń mádenı ómirine belsendi qatysady. Osy jyldar ishinde «Karnaval» túrli shyǵarmashylyq konkýrstardyń, festıvaldar men kórkemónerpazdar baıqaýlarynyń jeńimpazy jáne júldegeri boldy», – dedi aýyldyq mádenıet úıiniń dırektory Elmıra Súleımanova.
Saıys uıymdastyrýshylarynan alǵys hatty ujym jetekshisi Elena Rıga da aldy. Bul bı ujymy úshin halyqaralyq deńgeıdegi alǵashqy jetistik boldy.
