Aqmola oblysynyń bas sanıtary: Vaktsına kádimgi ekpe sııaqty, esh qorqýdyń keregi joq
KÓKShETAÝ. QazAqparat - Aqmola oblysynyń bas memlekettik sanıtarlyq dárigeri Aınagúl Mýsına koronavırýske qarsy vaktsına alǵannan keıingi óziniń jaı-kúıin aıtty, dep habarlaıdy QazAqparat tilshisi.
Aınagúl Mýsına óńirde atalmysh vaktsınany alǵashqy bolyp alǵandardyń biri.
«Kádimgi ekpe salǵandaı kúıde bolasyn. Aýyrtpaıdy. Dári sińgenin de sezbeısin», – dedi bas dáriger.
Sonymen qatar, vaktsına salǵan soń patsıentke peıdj berip, jarty saǵat boıy ekpe salý kabınetinde baqylaý júrgizildi.
«Barlyǵy jaqsy. Ózimdi jaqsy sezinip otyrmyn. Organızmde eshqandaı ózgeris baıqalmady. Basym aýyrǵan joq, dene qyzýym da kóterilgen joq. Kádimgi ekpe sııaqty, esh qorqýdyń keregi joq», – dep tolyqtyrdy A.Mýsına.
Eske salsaq, búgin birinshi bolyp vaktsına Aqmola oblysy ákiminiń orynbasary Ǵalymjan Ábdihalyqovqa, DSEK basshysy, oblystyń bas memlekettik sanıtarlyq dárigeri Aınagúl Mýsınaǵa, Densaýlyq saqtaý basqarmasy basshysynyń orynbasary Narıman Syzdyqovqa, Aqmola oblystyq kópbeıindi aýrýhananyń dırektory, qalalyq máslıhat depýtaty Nurlan Jarovqa, DSEK orynbasary Sáýle Sádýaqasovaǵa, Kókshetaý qalasynyń ESEK basshysy Qanat Ysqaqovqa, Aqmola oblysy ákimi apparatynyń basshysy Azamat Qapyshevqa jáne taǵy 30-dan astam adamǵa salyndy.Qazaqstanda koronavırýs ınfektsııasyn juqtyrý jáne taratý táýekeli joǵary sanattardy koronavırýsqa qarsy vaktsınalaý bastaldy.
